Nùmeri

25 Dopo de 40 giorni, i spioni i ze tornadi. 26 Alora i ze ndati fin Moisè e Aron, e a tuti dela assemblea de Israel nel deserto de Paran, in Cades. I ga fato un relatòrio par tuta la assemblea e i ghe ga mostrà i fruti dela tera. 27 Questo l’è quel che i ga contà a Moisè: “Semo ndati rento la tera che te ne ghè mandà, e de là vien fora pròpio late e miel. Questi i ze i so fruti. 28 Ma le persone che le vive là le ze forte, e le cità le ze grande e ben protegeste. Anca ghemo visto là i anachini. 29 I amalechiti i ze de star nela tera del Neghebe. I ititi, i gebusei e i amorei i ze de star nele montagne. E i cananei i ze de star darente del mar e drio el Giordon.” 30 Calebe el ga proà far tuta la gente davanti de Moisè restar pi tranqula. El ga dito: “Ndemo su suito, e sicuro saremo paroni dela tera parché saremo boni de torghela.” 31 Ma i òmini che i era ndati con lori i ga dito: “No podemo mia ndar contra questo pòpolo, parché lori i ze pi forti de noantri.” 32 E lori i ga seità a parlar mal ai israeliti de quela tera che i ze ndati spionar. Lori i disea: “La tera che semo ndati spionar la ze una tera che la finisse fora quei che i ze de star là, e tuti i òmini che ghemo visto là fà fin paura de quanto grandi i ze. 33 Là ghemo visto i nefilin, i fioi de Anache, che i ze vegnesti dei nefilin. Tanto par lori quanto par noantri èrino come cavalete darente de lori.”