Romani

5 Alora, adesso che Dio el ga dito che semo giusti par causa dela nostra fede, ghemo pace con lu par meso del nostro Signor Gesù Cristo. 2 Par meso dela fede in lu, l’è stà verta una strada par noantri ricever la maraveiosa bontà de Dio, che semo drio ricever adesso. Restemo contenti parché gavemo la speransa de ricever la glòria de Dio. 3 Nò sol questo, ma gavemo alegria anca quando passemo par sofrimenti, parché savemo che el sofrimento el ne fà gaver perseveransa. 4 La perseveransa la ne fà gaver una condission aprovada. La condission aprovada la ne fà gaver speransa. 5 E la speransa no la ne assa disgustadi. Parché el amor de Dio l’è deventà ancora pi grando nel nostro cuor par meso del spìrito santo, che l’è stà dato a noantri. 8 Ma Dio el ne mostra el so amor: Cristo l’è morto par noantri intanto che èrino pecadori. 10 Se noantri, quando èrino nemighi, semo tornadi a esser amighi de Dio par meso dela morte de so Fiol, adesso che semo amighi, podemo esser ancora pi sicuri che saremo salvi par meso dela so vita. 11 E no ghemo sol questo. Ma semo anca contenti de quel che Dio el ga fato par meso del nostro Signor Gesù Cristo. Par meso de lu, semo tornadi a esser amighi de Dio. 12 L’è par quela che, par meso de un sol omo el pecato l’è vegnesto al mondo, e la morte par meso del pecato, cossita la morte la se ga spalià a tuti, parché tuti i gavea pecà. 13 Alora ghen’era el pecato nel mondo vanti dela Lege, ma, quando no ghen’è lege, nissun el pol esser acusà de far pecato. 14 Ancora cossita, la morte la ga governà de Adon fin a Moisè anca sora quei che no i gavea mia fato un pecato compagno quel de Adon, che l’è someiante a quel che el gavea de vegner. 18 Alora, come par un sol sbàlio persone de tuti i tipi le ze state condanade, cossita gràssie a un sol ato giusto persone de tuti i tipi le ze state considerade giuste par la vita. 19 Parché, come par meso dela desobediensa de un sol omo tanti i ze deventadi pecadori, dela medèsima maniera, par la obediensa de un sol, tanti i deventarà giusti. 21 Con che ogetivo? Parché come el pecato e la morte i ga governà, cossita anca la maraveiosa bontà la governe par meso dela giustìssia e la menasse le persone ala vita eterna par meso de Gesù Cristo, nostro Signor.