Génesi

2 Dopo, ela la ga bio nantro fiol, Abel, fradel de Cain. Abel el tendea de piégore, e Cain el piantea. 3 Un dì, Cain el ga presentà arquanti prodoti dela tera come oferta par Geovà. 4 Invesse Abel el ga presentà arquanti primogèniti dele so bèstie, col so grasso. E Geovà el ga aprovà Abel e la so oferta, 5 ma no’l ga aprovà Cain e la so oferta. Cossita, Cain l’è restà tanto inrabià e disgustà. 6 Alora Geovà el ghe ga dito a Cain: “Parché che te sì inrabià e disgustà cossita? 7 Se ti te torni a far el ben, no te gavarè la me aprovassion nantra volta? Ma, se ti no te torni a far el ben, el pecato l’è ala porta pronto par atacar e el vol tanto dominarte; ma ti te sarè bon de vinserlo?” 10 Alora el ga dito: “Cossa che te ghè fato? Scolta! El sangue de to fradel l’è drio osar a mi dela tera.” 17 Dopo, Cain el ga bio relassion sessuai cola so dona, e ela la ze restada gràvida e la ga guadagnà Enoche. Alora, lu el ga scominsià a far su una cità e el ghe ga dato el nome del so fiol Enoche. 18 Dopo de questo, Enoche l’è deventà pare de Irade. E Irade l’è deventà pare de Meugiael, Meugiael l’è deventà pare de Metusael, e Metusael l’è deventà pare de Lameche. 19 Lameche el se ga maridà con due done. El nome dela prima l’era Ada e el nome dela seconda l’era Zilà. 20 Ada la ga bio un fiol che el se ciamea Giabal. Lu l’è stà el primo che el ga vivesto in tende e che el tendea de bèstie. 21 El nome del so fradel l’era Giubal. Lu l’è stà el primo a sonar la arpa e la flauta. 22 Anca Zilà la ga bio un fiol, e lo ga ciamà de Tubalcain. Lu el fea tuti i tipi de feramente de rame e de fero. E la sorela de Tubalcain la era Naamà. 23 E Lameche el ga fato questi versi par le so done Ada e Zilà: “Scolté la me voce, valtre done de Lameche; Scolté la me dechiarassion: Mi go copà un omo parché lu el me ga fato mal, Sì, un gióveno, parché me ga dato bote. 24 Se Cain el gavaria de esser vingà sete volte, Alora, Lameche el gavaria de esser vingà setanta e sete volte.” 25 Adon el ga bio relassion sessuai cola so dona nantra volta, e ela la ga bio un fiol. Ela lo ga ciamà de Sete, parché come la gavea dito: “Dio el me ga dato nantro dissendente nel posto de Abel, parché Cain lo ga copà.” 26 Anca Sete l’è deventà pare de un fiol, e lo ga ciamà de Enos. In quel tempo, le persone le ga scominsià a ciamar el nome de Geovà.