3 Gioani

3 Parché mi son restà tanto contento quando arquanti fradei i ze vegnesti e i ga dato testimònio che ti te sì fedele ala verità e che te seiti viver de acordo con ela. 4 No go alegria pi granda che questa: scoltar che i me fioi i continua a caminar nela verità. 5 Caro, te mostri che te sì fedele par meso de quel che te fè par i fradei, anca se no te li cognossi mia. 6 Lori i ga parlà a tuti dela congregassion sora el amor che te ghè mostrà. Giùtali con quel che ghe ocore par far un bon viaio, e proa far questo dela maniera che assarà Geovà contento. 7 Parché questi fradei i ze drio ndar de un posto al altro par parlar del nome de Dio, sensa ricever gnente dele persone dele nassion. 8 Alora, noantri ghemo de riceverli ben e tender de questi fradei. Cossita, saremo drio laorar insieme de lori intanto che i parla ai altri la verità sora Dio.