Efesi

1 Paolo, un apòstolo de Cristo Gesù par volontà de Dio, ai santi che i ze in Èfeso e i ze fedeli in union con Cristo Gesù. 2 Vui che valtri gàpie la maraveiosa bontà e la pace de Dio, nostro Pare, e del Signor Gesù Cristo. 3 El Dio e Pare del nostro signor Gesù Cristo el mèrita ricever lode. Lu el ne ga dato benedission spirituai nel cielo in union con Cristo 4 parché el ne ga scoliesto vanti che el mondo el fusse creà par esser unidi a Cristo. E lo ga fato parché noantri podemo mostrar amor, e semo santi e sensa difeto. 5 Infati, lu el ga dessidesto che noantri ghemo de esser adotadi come so fioi par meso de Gesù Cristo, de acordo con quel che el ghe piase e quel che el vol, 6 par darghe lode ala so maraveiosa bontà gloriosa, che ne ga dimostrà de maniera bona par meso del so Fiol amà. 7 Gràssie ala maraveiosa bontà, lu el ne ga dato el risgate e el ne ga liberà par meso del so sangue, e ghemo el perdon dei pecati. 8 Dio el ne ga dimostrà tanto la so maraveiosa bontà e el ne ga dato tanto saver e bon guidìssio. 9 Lu el ne ga fato cognosser el sacro segreto dela so volontà. E, de acordo con quel che ghe piase, lu el ga dessidio 10 de far una maniera par meter a posto le robe quando rivesse el tempo marcà, e cossita riunir tute le robe par meso de Cristo, le robe nel cielo e nela tera. Pròpio in lu, 11 noantri semo stati scoliesti vanti par ricever la eredità in union con lu, de acordo col propòsito de quel che el realisa tute le robe che el vol de acordo cola so volontà, 12 parché par meso de noantri, che semo stati i primi a gaver speransa in Cristo, Dio el sìpia lodà e glorificà. 13 Ma anca valtri, dopo de gaver scoltà la parola dela verità, la bona notìssia dela vostra salvassion, gavé bio speransa in lu. E, dopo che gavé credesto, gavé ricevesto una marca ofissial col spìrito santo prometesto, 14 che l’è una garansia dela nostra eredità, col ogetivo de liberar el pòpolo de Dio par meso de un risgate, par lodarlo con glòria. 15 L’è par quela che anca mi, de quando go sentio parlar dela fede che valtri gavé nel Signor Gesù e del vostro amor par tuti i santi, 16 no me fermo de ringrassiar a Dio par causa de valtri. Seito a parlar de valtri nele me orassion. 22 Dio anca el ga metesto tute le robe soto i so pié e el ghe ga dato la autorità sora tute le robe par la congregassion,