1 Corinti

16 Adesso, sora la limòsina par i santi, valtri podé far compagno le orientassion che go dato ale congregassion dela Galàssia. 2 Nel primo giorno de cada stimana, tuti valtri gavé de meter via qualcossa, de acordo con quel che gavé. Cossita quando mi rivo, no ocore mia tor su la limòsina. 3 Alora, quando mi rivo, mandarò a Gerusalen i òmini che valtri gavé aprovà nele vostre carte parché i porte quel che valtri gavé dato de cuor. 4 Ma, se ve par che l’è bon che vao anca mi, mi vao con lori. 9 Parché i me ga verto una porta granda par atività, ma ghen’è tanti opositori. 13 Resté atenti, seité firmi nela fede, sìpie coraiosi e deventé poderosi. 14 Fé tute le cose con amor. 15 Go de suplicarve una roba, fradei: valtri savé che quei dela casa de Stèfana ze i primi fruti dela Acaia e i se ga metesto a servir i santi. 16 Che anca valtri obedì a persone cossita e a tuti quei che giuta e laora del bon. 17 Go caro de gaver qua Stèfana, Fortunato e Acaico, parché i ne ga giutà a no sentir la vostra mancansa. 18 Lori i ga animà a mi e a valtri. Alora, deghe valor a òmini come lori.