Salmi

5 Sovrano Signor Geovà, ti te sì la me speransa, me fido de ti ancora de gióveno. 8 La me boca la ze piena de lode par ti. Mi parlo dela to glòria tuto el giorno. 9 No stà trarme via quando devento vècio. No stà abandonarme quando me manca le forse. 14 Ma mi vao seitar a spetar. Vao lodarte cada volta de pi. 15 La me boca la parlarà dela to giustìssia. E tuto el giorno vao parlar dele to assion de salvassion, stesso che i sìpia tanti che no son gnanca bon de capirli. 17 Ò Dio, te me ghè insegnà ancora de gióveno, e fin adesso son drio parlar sora le robe maraveiose che te fè. 18 Anca quando vegnarò vècio e coi cavei bianchi, ò Dio, no stà abandonarme. Fame parlar sora la to forsa ala pròssima generassion, e sora el to poder a tuti quei che ancora i vegnarà.