Salmi

56 Giùtame, ò Dio, parché ghen’è gente che vol finirme fora. Tuto el di i lota contra mi e i me fà sofrir. 2 I me nemighi i me vien contra tuto el di. Tanti i ze aroganti e i lota contra mi. 3 Quando go paura, mi me fido del tuto in ti. 4 Mi lodo la parola de Dio, e mi me fido del tuto in lu. No go paura. Cossa che una persona la pol farme? 8 Te sì sempre insieme de mi ndove mi vao. Meti via le me làgrime nel to odre. Te ghè scrito sora lore nel to libro, mia vera? 9 I me nemighi i scamparà via quando vao domandarte aiuto. Son sicuro che Dio l’è dela me banda. 10 Mi lodo quel che Dio el dise. Mi lodo quel che Geovà el dise. 11 Mi me fido in Dio e no go paura. Cossa che i òmini i pol far contra mi? 12 Mi go de far quel che te go prometesto, ò Dio, e vao mostrarte che son grato a ti. 13 Ti te me ghè salvà dela morte e no te me ghè assà strabucarme. Cossita, son bon de caminar davanti de ti, ò Dio, e seitar vivo.