Génesi

14 Quando Abron el ga sentio che so neodo l’era stà menà via come prisionero, el ga ciamà 318 dei so servi nassesti nela so casa e che i era stati trenadi par lotar par ndarghe drio i nemighi. Lori li ga perseghio fin Dan. 15 De note, Abron el ga spartio so servi in grupi, e lu e so servi i ga atacà i nemighi e li ga vinsesti. Lori li ga perseghidi fin Obà, che l’è al nort de Damasco. 16 Cossita, Abron el ga ciapà indrio tuto el capital. Anca so parente Lò e so capital, le done e le altre persone. 19 Alora, lu lo ga benedio e el ga dito: “El Dio Altìssimo, che el ga fato el cielo e la tera, el ndarà benedir Abron. 20 E el Dio Altìssimo el mèrita esser lodà, parché el ga fato Abron vinser i so nemighi!