Ésodo

32 El pòpolo el ga visto che Moisè el ghe metea massa par vegner do del monte. Par quela, lori i se ga riunio intorno de Aron e i ghe ga dito: “Ndemo! Fà un dio par noantri che el vae davanti de noantri, parché no savemo cossa che ga sucedesto con questo Moisè, el omo che el ne ga menà fora dela tera del Egito.” 2 Alora Aron el ghe ga dito: “Tiré via i recini de oro dele récie dele vostre done, dei vostri fioi e dele vostre fiole, e portémeli a mi.” 3 Cossita tuto el pòpolo el ga tirà via i recini de oro dele so récie e li ga portadi a Aron. 4 Lu el ga ciapà el oro che lori i ghe ga portà e col scarpel el ga fato una imàgine de vedel. E lori i ga scominsià a dir: “Questo l’è el to Dio, ò Israel, che el te ga menà fora dela tera del Egito!” 5 Quando Aron el ga visto questo, el ga fato su un altar davanti del vedel. Alora Aron el ga anunsià: “Doman ghen sarà una festività par Geovà.” 6 Cossita, nel giorno dopo i se ga levà su de matina bonora e i ga fato oferte brusade e sacrifissi de pace. Dopo, el pòpolo el se ga sentà do par magnar e bever, e el se ga levà su par divertirse. 7 Geovà el ga dito a Moisè: “Va do del monte, parché el to pòpolo, quel che ti te ghè menà fora del Egito, el ga fato un bruto pecato. 8 Presto i se ga fermà de obedir ai me comandamenti. I ga fato par lori una imàgine de un vedel. I ze drio sbassarse davanti de ela, i ghe fà sacrifissi e i dise: ‘Questo l’è el to Dio, ò Israel, che el te ga menà fora dela tera del Egito.’” 9 E Geovà el ga dito ancora a Moisè: “Go visto che questo pòpolo l’è pròpio testardo. 10 Par quela, con tanta ràbia che go, assame finir fora con tuti. Invesse de lori, mi vao far de ti una granda nassion.” 16 L’è stà Dio che el ga fato le tole de sassi, e quel che l’era scrito nele tole el vegnea de Dio. 18 Ma Moisè el ga dito: “Questo bordel no l’è de quando se guadagna una guera, gnanca de quando se perde una guera. Scolto nantro tipo de bordel.” 25 Moisè el ga visto che no l’era bon de darghene fora col pòpolo, parché Aron li ga assadi far quel che i volea. E par quela i ze stati invergognadi davanti so nemighi. 32 Adesso, se ti te vol, perdona el so pecato. Senò, par piaser, tira via el me nome del libro che te ghè scrito.” 33 Magari, Geovà el ga dito a Moisè: “Vao tirar via del me libro quel che el peca contra mi.