Génesi

3 “Tuti i animai che i se move e che i ze vivi i pol servirve de magnar. Cossita come ve go dato la vegetassion verde 4 Sol no gavé de magnar la carne col so sangue, che l’è la so vita.” 8 Alora Dio el ga dito a Noè e ai so fioi che i era insieme con lu: 9 “Son drio far el me acordo con valtri e cola vostra dissendensa, 10 e con tute le creature che le ze con valtri, i osei, le bèstie e tute le altre creature che le ze con valtri, tute le bèstie che le ze vegneste fora dela arca, o sia tute le creature che le vive nela tera. 11 Questo l’è el acordo che mi fao con valtri: Mai pi ndarò finir fora le bèstie e le persone cole àque de un dilùvio, e mai pi un dilùvio el ndarà rovinar la tera.” 12 E Dio anca el ga dito: “Questo l’è el segnal del acordo intrà mi e valtri e tute le creature che le ze insieme con valtri, par tute le generassion che le gavarà de vegner: 13 Mi meto el me arcobaleno nela nùvola, e lu el sarà come un segnal del acordo intrà mi e la tera. 14 Quando mi farò vegner fora le nùvole sora la tera, el arcobaleno el ndarà vegner fora nele nùvole. 15 E, sicuramente, me ricordarò del me acordo, che go fato con valtri e con tute le creature. Mai pi le àque le deventarà un dilùvio par finir fora le persone e le bèstie. 16 Quando el arcobaleno el vegnerà fora nele nùvole, sicuro che mi lo vederò e me ricordarò del acordo eterno che go fato con tute le persone e le bèstie che ghen’è sora la tera. 20 Alora, Noè el ga scominsià a coltivar la tera, e lu el ga piantà un vignal. 21 Un giorno lu el ga bevesto vin e l’è restà ciuco e sensa robe nela so tenda. 22 Can, el pare de Canaan, el ga visto che el so pare l’era nudo e ghe lo ga contà ai so fradei che i era li fora. 24 Quando la ga passà la so ciuca, Noè el se ga desmissià. Alora, el ga savesto quel che el so fiol pi gióveno el gavea fato. 25 e el ga dito: “Maledeto sìpia Canaan! Lu el sarà el schiavo manco importante dei so fradei.”