Eclesiasti

3 Par tute le robe ghen’è un tempo. Ghen’è un tempo par cada laoro soto el cielo. 2 Tempo par nasser e tempo par morir. Tempo par piantar e tempo par cavar via quel che se ga piantà. 3 Tempo par copar e tempo par curar. Tempo par butar do e tempo par far su. 4 Tempo par piander e tempo par rider. Tempo par lamentar e tempo par balar. 5 Tempo par butar via sassi e tempo par imuciar sassi. Tempo par strucarse e tempo par assar de strucarse. 6 Tempo par ndar in serca e tempo par capir che no se pol pi catar. Tempo par meter via e tempo par butar via. 7 Tempo par sbregar e tempo par cosir. Tempo par taser e tempo par parlar. 8 Tempo par amar e tempo par odiar. Tempo par la guera e tempo par la pace. 10 Go visto el laoro che Dio el ga dato ai fioi dei òmini par che i gavesse cossa far. 11 Lu el ga fato tuto bel e nel tempo giusto. Lu el ga fato le persone cola voia de viver par sempre. Ma, le persone mai le sarà bone de cognosser tuto quel che el vero Dio el ga fato. 12 Son rivà ala conclusion che la meio roba che ghen’è par lori la ze restar contenti e far el ben durante la so vita, 13 e anca che tuti i magne, i beva e i gàpia alegria coi resultadi de tuti i so laori. L’è el presente de Dio. 16 ”‏Anca go visto questo soto el sol: nel posto dela giustìssia ghen’era el mal, e nel posto de quel che l’è giusto ghen’era quel che l’è mal. 20 Tuti i ndarà par el medèsimo posto. Tuti i ze stati fati dela polver e tuti i torna ala polver.