Deuteronómio

6 Sìpia coraioso e forte. No stà gaver paura e gnanca no stà spaventarte davanti de lore, parché Geovà, el to Dio, el màrcia con ti. Lu no’l ndarà assarte e gnanca abandonarte.” 7 Alora, Moisè el ga ciamà Giosuè e el ghe ga dito davanti tute le persone de Israel: “Sìpia coraioso e forte, parché te sì ti che te ndarè menar tuta questa gente ala tera che Geovà el ga giurà dar ai so antenati, e ti te ndarè darghela come una eransa. 8 Geovà l’è quel che va davanti de ti, e el continuarà insieme de ti. No’l ndarà assarte gnanca ndarà abandonarte. No stà mia gaver paura, gnanca stà spaventarte. 12 Ciama tuti, i òmini, le done, i toseti e i stranieri, che i ze nele to cità, cossita lori i ndarà scoltar, imparar sora Geovà, el to Dio, e i gavarà tanto rispeto par lu e i sarà atenti de obedir tute le parole de questa Lege. 29 Parché mi sò tanto ben che, dopo dela me morte, sicuro che valtri ndaré far quel che l’è rugno e no ndaré pi par la strada che mi ve go mandà. E sicuro che brute robe le vegnarà sora valtri nel fin dei giorni, parché valtri ndaré far quel che Geovà el dise che l’è rugno e ndaré ofenderlo par meso de quel che fé.”