Isaia

45 Geovà el dise a Siro, quel che el ga scoliesto, quel che lo tien par la man drita par farlo pi poderoso che le altre nassion e assar i altri rè sensa poder, par verder le grande porte dela cità davanti de lu, cossita le porte no le sarà sarade: 2 “Ndarò prima de ti e ndarò far i monti piani. Ndarò spacar su le porte de rame e ndarò taiar i sataroni de fero. 9 Guai de quel che el fà una discussion con quel che lo ga fato parché lu l’è sol un toco de un vaso de baro spacà insieme a altri tochi par tera! Sarà che el baro el pol dir al Olero: “Cossa sito drio far?” O sarà che el baro el pol dir: “No te ghè mia le man”? 10 Guai de quel che el dise a un pare: “Cossa che te sì stà bon de far?” e a so mare: “Cossa che l’è drio nasser qua?” 11 Cossita, Geovà, el Santo de Israel, quel che lo ga fato, el dise: “Sarà che valtri podé dir che quel che ndarà suceder l’è sbalià, e dir cossa go de far ai me fioi e come go de far i me laori? 12 Mi go fato la tera e anca el omo par viver sora la tera. Mi go stirà el cielo cole me man e comando tuto el so esèrsito.” 18 Geovà, el Creador del cielo, el vero Dio, quel che el ga fato la tera e la ga creada, quel che la ga fata pròpio firme e che no la ga creada par gnente ma par le persone viver nela, el dise cossita: “Mi son Geovà e no ghen’è nantro.