Geremia

6 Geremia el ga dito: “Go ricevesto queste parole de Geovà: 7 ‘Anamel, el fiol de to zio Salun, el vegnarà dirte: “Compra el me campo che go in Anatot, parché ti te sì el primo che ga el dirito de comprarlo.”’” 8 Cossita come Geovà el gavea dito, Anamel, fiol de me zio, l’è vegnesto a mi nel Cortivo dei guardi e el me ga dito: “Par piaser, compra el me campo che go in Anatot, nela tera de Bengiamin, parché ti te ghè el dirito de gaverlo e de comprarlo. Comprelo.” E in quel momento go capio che l’era quel che Geovà el volea. 9 Alora go comprà de Anamel, el fiol de me zio, el campo in Anatot. I soldi che ghe go pesà i era 7 sicli e 10 tochi de argento. 10 E dopo go metesto par scrito, go serà con un selo, go ciamà le testimònie e go pesà i soldi nela balansa. 13 Alora, ghe go ordinà a Baruche davanti de tuti: 14 “Questo l’è quel che Geovà dei esèrsiti, el Dio de Israel, el dise: ‘Ciapa i scriti, el scrito selà e anca quel sensa selo, e meteli rento un vaso de baro. Cossita i podarà durar tanto tempo.’ 15 Questo l’è quel che Geovà dei esèrsiti, el Dio de Israel, el dise: ‘I comprarà ancora case, campi e vignai in questo paese.’” 17 “Ò, Sovrano Signor Geovà! Ti te ghè fato el cielo e la tera par meso del to grando poder e col to brasso poderoso. No ghen’è gnente che no te pol far. 27 “Mi son Geovà, el Dio de tuta la umanità. Ghen’è qualcossa che mi no sìpia bon de far?