Te farè la volontà de Geovà?

Gràssie par torte el tempo de esaminar questo libreto col ogetivo de cognosser meio le Testimònie de Geovà, quel che femo e come funsiona la nostra organisassion. Spetemo gaverte giutà a identificarne come quei che i è drio far la volontà de Geovà. Te incoraiemo a continuar cresser nela cognossensa de Dio, dirghe ai to parenti e amighi cossa te sì drio imparar e associarte regolarmente con noantri nele nostre riunion cristiane.​— Hebreus 10:⁠23-25.

Te vederè che de pi che te impari sora Geovà pi te poderè veder quanto el te ama. Cossita te gaverè voia de far tuto quel che ze possìbile par mostrarghe el to amor. (1 João 4:⁠8-10, 19) Ma come che te pol dimostrar questo amor nel to di a di? Parché ze bon par ti obedir i prinsipi morai de Dio? E cossa te giutarà a far la volontà de Dio con noantri? El to istrutor dela Bìblia el sarà contento de giutarte a esaminar le risposte a queste domande, cossita ti e la to fameia poderé ‘mantegnerve nel amor de Dio, vardando la vita eterna’.​— Judas 21.

Noantri te convidemo a continuar a far progresso nela strada dela verità studiando sto libro. . . ‘Mantenha-se no Amor de Deus’