Me piasea del beisebol de pi che qualche altra roba!

EL ME PASSÀ

Son stà slevà in Puerto Limón, una cità del litoral Lest dela Costa Rica. Me pare e me mare i ga bio oto fioi, mi son el sètimo. Quando mi gavea 8 ani, me pare l’è morto e me mare la ga slevà noantri ela sola.

Me ga sempre piasesto de beisebol. De toso, go scominsià a giugar nte un time amador. Quando gavea intorno de 20 ani, un omo che va in serca de quei che i giuga ben, el me ga convidà par giugar nte un time profissional nela Nicaràgua. Ma me mama la zera malada, e mi no volea ndar via dela Costa Rica. Alora, no go acetà. Un tempo dopo, nantro omo che l’era drio catar fora quei che i giughea ben intrà i time amadori el me ga convidà par giugar nel time del paese dela Costa Rica. Questa volta go acetà. Go giugà in Cuba, Mèssico e anca nela Nicaràgua. Mi ero importante nel time. E giughea tanto ben. Ghemo fin giugà 17 volte, una drio man altra, e mi no go sbalià gnanca una volta. Me piasea pròpio tanto scoltar quando le persone le osea el me nome!

Me despiase dir, ma in quel tempo mi gavea una vita tanto imoral. Mi gavea una morosa, ma anca ndea drio altre done. Mi bevea tanto che, una volta go fato la ciuca e no sò gnanca dir come son stà bon tornar casa. Anca me piasea giugar par soldi el dominò e nela loteria.

In quel tempo, me mare la ze deventada una Testimònia de Geovà. Ela la ga proà parlar par mi sora quel che la credea, ma no la go badada. Pensea sol nel beisebol. Me piasea tanto che, dele volte, mi trenea e restea sensa magnar anca se fusse mesdì! Mi sol pensea in giugar. Me piasea del beisebol de pi che qualche altra roba!

Quando gavea 29 ani, go proà ciapar una bola e me go fato tanto mal. Quando son restà meio, go assà de giugar nte un time profissional. Ma no go assà el beisebol. Go seità come trenador de un time amador darente casa.

LA BÌBLIA LA GA CAMBIÀ TANTO LA ME VITA

Nel ano de 1957, son ndato nte un congresso dele Testimònie de Geovà, nte un stàdio ndove mi gavea belche giugà. L’era tanto difarente del rabalton che le persone le fea quando le ndea veder i giughi de beisebol! Quel che go visto me ga fato voler studiar la Bìblia e ndar ale riunion.

Me piasea tanto quel che ero drio imparar. Par esémpio, Gesù el gavea dito che, nei ùltimi giorni, i so dissìpoli i ndaria predicar le bone notìssie in tuto el mondo, e che lori ndaria far questo laoro sensa guadagnar gnente. (Mateo 24:14) Gesù anca el ga dito: ‘Gavé ricevesto par gente, par quela anca valtri gavé de dar par gnente.’ — Mateo 10:8

Mi stea su cole récie par veder se le Testimònie de Geovà le metea in pràtica quel che ero drio imparar. E go visto che lore le fea tanto sforso par predicar in tuto el mondo. Go visto anca che lore le fea questo laoro sensa ndar in serca de soldi, pròpio come Gesù gavea dito che gavaria de esser. Quando go ledesto in Marco 10:21 che Gesù el ga dito, “vien e sìpia me dissìpolo”, go volesto anca mi esser una Testimònia de Geovà.

Ga metesto tempo par cambiar la me vita. Par esémpio, tute le stimane mi giughea el me “nùmero dela sorte” nela loteria. Ma dopo, go imparà che Dio no’l ghe piase de quei che i ze ganansiosi e gnanca quei che adora el “dio dela bona sorte”. (Isaia 65:11; Colossensi 3:5) Cossita, me go fermà de giugar par soldi. Nela prima doménega dopo che me go fermà de giugar, ga dato el me “nùmero dela sorte”. Le persone le me ga ridesto drio e le ga proà dirme par giugar nantra volta. Ma, me go mantegnesto firme e no go pi giugà gnanca un fiorin.

Nel ano de 1958, nel medèsimo giorno che son stà batesà, go infrontà nantra dificoltà. (Efesi 4:24) Dopo del congresso, de note quando son rivà ntel otel, una tosa che gavea smorosà , la era drio spetarme nela porta davanti del me quarto. Ela la volea smorosar con mi nantra volta e passar la note insieme. Mi go dito de nò e ghe go spiegà che ero drio far quel che la Bìblia la dise. (1 Corinti 6:18) Ela no la ga credesto, me ga ridesto drio e ga dito che mi ero un bauco de far quel che la Bìblia la dise sora el sesso. La ga seità dir che la volea esser me morosa. Ma mi son ndato rento del me quarto e go inciavà la porta. Mi son contento parché fin ancoi son stà bon de seitar far quel che l’è giusto.

COME SON STÀ GIUTÀ

Penso che, se fusse spiegar tute le benedission che go ricevesto par far quel che la Bìblia la dise, cato che saria bon de scriver un libro! Intrà queste benedission, go veri amighi, la me vita la ga un ogetivo e son un omo pròpio contento.

Me piase ancora de beisebol, ma giugar no ze mia la roba pi importante nela me vita. Intanto che mi giughea, go guadagnà soldi e ero famoso, ma queste no le ze robe che le dura tanto. Invesse, la me amicìssia con Geovà e coi me fradei i ndarà durar par sempre. La Bìblia la dise che “el mondo e le so voie i sarà finidi fora, ma quel che el fà quel che Dio el vol el viverà par sempre.” (1 Gioani 2:17) Ancoi amo Geovà e el so pòpolo de pi che qualche altra roba!