Chi che l’è Dio?

Tante persone le dise che le crede in Dio. Ma le pensa robe difarente sora lu. Par arquanti, Dio l’è un giuis rugno che sol el vol castigar le persone. Altri i dise che Dio l’è sempre amoroso e che lu el perdona tuti i sbali. Altre persone le pensa che Dio l’è massa distante e no’l se preocupa con noantri. Cossita, tanti i cata che l’è fadiga cognosser pròpio a Dio.

L’è importante cognosser a Dio? Si. Cognosserlo pol dar un ogetivo ala to vita. (Ati 17:26-28) De pi che te lo cognossi, de pi lu el ndarà amarte e giutarte. (Tiago 4:8) Te podarè anca guadagnar la vita eterna. — Gioani 17:3.

Come che te pol cognosser a Dio? Pensa in un grando amigo tuo. Come che te lo ghè cognossesto? Fursi, prima te ghè savesto el so nome, le so qualità, quel che ghe piase de far, quel che no ghe piase, cossa che el ga belche fato, cossa che el vol far e altre robe. Ma parché che sì deventadi amighi? Parché te lo ghè cognossesto pròpio ben.

Dela stessa maniera, podemo cognosser a Dio se savemo:

• CHE NOME GALO?

• COME ELO DIO?

• COSSA CHE EL GA BELCHE FATO?

• COSSA CHE EL FARÀ?

• PARCHÉ CHE IMPARAR SORA DIO POL ESSER BON PAR TI?

Questa revista la te giutarà a saver la risposta dela Bìblia a queste domande. I pròssimi artìcoli i ndarà giutarte a saver de pi sora Dio e anca parché imparar sora lu pol esser bon par ti.