La Tera la ga “mandà do el rio”

Durante la stòria umana i governi i ga giutà el pòpolo de Geovà tante volte. (Esdra 6:1-12; Ester 8:10-13) Anca nei nostri giorni sucede cossita. La Bìblia la parla che questo el se rifere ala ‘tera che la ze drio mandar do el rio’. Qua la “tera” la ze i grupi e persone del mondo che le ze pi rasoàbile. El “rio” l’è la perseghission che Sàtana, el “dragon”, el fà contra i servi de Geovà. (Apocalisse 12:16) Geovà, el Dio che salva, dele volte el pol tocar el cuor dei governanti e doperarli par giutar i so servi. — Salmo 68:20; Proverbi 21:1.

E se i te mete in preson par causa dela to fede? Sicuro che Geovà el ndarà sempre star dela to banda. (Génesi 39:21-23; Salmo 105:17-20) No stà preocuparte, la to fede la sarà ricompensada e el to esémpio el ndarà incoraiar i to fradei de tuto el mondo. — Filipensi 1:12-14; Apocalisse 2:10.

VARDA EL VÌDEO I NOSTRI FRADEI DELA COREA I ZE LIBERADI DELA PRESON, E DOPO RISPONDI A QUESTE DOMANDE:

• Parché che in questi ùltimi ani tanti fradei dela Corea del Sud i ze stati metesti in preson?

• Par via de che dessision dei tribunai i nostri fradei i ze stati liberadi vanti del tempo?

• Come che ti te pol giutar i fradei de tuto el mondo che i ze in preson par causa dela so fede in Geovà?

• Come che gavarìssino de doperar la libertà che ghemo adesso?

• Noantri semo boni de vinser nei tribunai gràssie a chi?