Come che valtri podé far pi forte el vostro matrimònio?

Abraon e Sara i ze un bon esémpio de sposo e sposa che i se ama e che i ga rispeto un par el altro. (Génesi 12:11-13; 1 Piero 3:6) Ma el so matrimònio no l’era mia perfeto e lori i ga bio de infrontar dificoltà nela vita. Cossa che i maridadi i pol imparar del esémpio de Abraon e Sara?

L’è importante gaver una bona comunicassion un colaltro. Se la to sposa o el to sposo te parla meso inrabià, no stà restar ofendesto ma proa capir cossa che ga sucedesto. (Génesi 16:5, 6) Gavé de passar tempo insieme. Gavé de mostrar el vostro amor par meso de parole e de assion. Gavé de studiar sora Geovà, pregar e servirlo insieme, cossita Geovà sempre el farà parte del vostro matrimònio. (Eclesiasti 4:12) Matrimoni forti i dà onor a Geovà, Quel che el ga creà el matrimònio.

VARDA EL VÌDEO COME FAR PI FORTE EL VOSTRO MATRIMÒNIO E DOPO RISPONDI A QUESTE DOMANDE:

• Nel scomìnsio del vìdeo, cossa che l’era drio slontanar Shaan e Kiara?

• Parché che l’è importante che el sposo e la sposa i gàpia una bona comunicassion nel matrimònio?

• Come che el esémpio de Abraon e Sara el ga giutà Shaan e Kiara?

• Cossa che Shaan e Kiara i ga fato par far pi forte el so matrimònio?

• Parché che gnanca el sposo e gnanca la sposa no i ga de spetar perfession un del altro?