Sito drio doperar el Examine as Escrituras Diariamente?

Sito drio leder el testo del giorno e el comentàrio del Examine as Escrituras Diariamente? Se ti no te sì drio farlo, scomìnsia farlo tuti i giorni! Tante persone le lede el testo del giorno de matina. Cossita, durante el giorno le pol pensarghe sora quel che le ga ledesto. (Giosuè 1:8; Salmo 119:97) Cossa che te pol far par benefissiarte ancora de pi del testo del giorno? Una roba che te pol far l’è leder i versìcoli che ghen’è vanti e dopo del testo del giorno. Cossita te poderé capir meio quel che el vol dir. Anca, proa pensar in nantro relato dela Bìblia che el ga relassion col prinsìpio del testo. Dopo, meti in pràtica nela to vita quel che te ghe imparà. Quando te ghè de far una dessision, meti in pràtica quel che la Bìblia la dise, cossita te gavarè boni resultadi. — Salmo 119:105.

Le fameie de Betel de tuto el mondo le considera el testo del giorno vanti de scominsiar a laorar. Nei ùltimi ani, arquante considerassion dele adorassion matinai le ze nel JW Broadcasting^®, nela categoria PROGRAMI E EVENTI. Qual che l’è stato el ùltimo vìdeo che te ghè vardà? Magari un de quei vìdei l’è pròpio quel che ti te ghè de bisogno. Par esémpio, cossa che te pol imparar del esémpio de Lò sora far dessision?

VARDA EL VÌDEO NO STÉ AMAR EL MONDO (1 GIOANI 2:15), E DOPO RISPONDI ALE DOMANDE:

• Questa adorassion matinal la parla de che prinsìpio bìblico?

• Cossa che podemo imparar dela stòria de Lò sora amar el mondo e le robe del mondo? — Génesi 13:12; 14:12; 19:3, 12, 13, 24-26

• Come che podemo mostrar che noantri amemo a Geovà e nò el mondo e le robe del mondo?