Adora sol el vero Dio Geovà

Anca se no ghen fusse una lege che la disea che sol Geovà el gavea de esser adorà, Giacò el ga adorà sol a Geovà par tuta la so vita. (Ésodo 20:3-5) Par quela, quando Geovà el ga dito a Giacò par tornar a Betel, Giacò el ghe ga dito a tuti quei che i ndea con lu che i butesse via tute le imàgine che i gavea. Alora, Giacò el ga finio fora con tute le imàgine, fin quei recini che i doperea par protegerse dei spìriti rugni. (Génesi 35:1-4) Sicuro che Geovà l’è restà pròpio contento con quel che Giacò el ga fato.

E ancoi? Come che podemo adorar sol a Geovà? Una roba tanto importante l’è star pròpio distante e butar via tute le robe che le ze relassionade cola adorassion de altri dèi o col spiritismo. Anca, l’è tanto importante scòlier ben le nostre diversion. Domandate: ‘Sarà che me piase de filmi o libri che i parla de vampiri, zumbia o persone che le ga poder che no l’è mia natural? Sarà che mi cato che no’l fà gnente veder un filme che mostra sol un pochetin de magia?’ Ghemo de star pròpio distante de tute le robe che Geovà el òdia. — Salmo 97:10.

VARDA EL VÌDEO “METEVE CONTRA EL DIAOL” , E DOPO RISPONDI A QUESTE DOMANDE:

• 

  Cossa che l’era drio suceder ntela vita de una studiante che la se ciamea Paula?

• 

  Parché che ghemo de ndar in serca del aiuto dei ansiani se qualchedun el ga problemi col spiritismo?

• 

  Cossa che ghemo de butar via se volemo el aiuto e la protession de Geovà?

• Cossa che Paula la ga dessidio de far?

• Nela to region, come che te pol scampar via dela influensa dei demoni?