Come far meio la nostra predicassion — Come predicar par meso del interfone

PARCHÉ CHE L’È IMPORTANTE: Par causa dei bandidi che ghen’è, le persone le ga tanta paura de verder la porta a persone che no le cognosse mia. Alora, tanti i mete su interfoni e càmere nele so case. Pol esser che restemo ansiosi quando ghemo de predicar a persone che no vedemo in fàcia. Ma queste sugestion le pol giutarne a gaver pi coraio quando predichemo nel interfone e nel telèfono.

COME FAR:

• Sìpia positivo. Tanti paroni de casa che i ga una càmera o un interfone i parla con noantri de volentiera.

• Stà atento che arquante càmere le scomìnsia a gravar vanti che te soni el campanel, e pol esser che el paron de casa l’è belche drio sentirte e vederte.

• Quando el paron de casa el te risponde nel interfone, parla con lu come se el fusse lì davanti de ti. Fà un soriso e fà moti come te sì costumà. Fà la medèsima presentassion che te farìssi se lu el gavesse verto la porta. Se ghen’è una càmera, no stà meter la fàcia massa darente. Se el paron de casa no’l te risponde nel interfone, no stà gravar un messàgio.

• Dopo che valtri finì de parlar, stà atento che pol esser che el paron de casa l’è ancora drio sentirte o vederte.