Móstraghe a Geovà quanto che te lo ami

Le Testimònie de Geovà le ga una granda oportunità. Noantri semo cristiani dedicadi e batesadi. Alora, podemo esser amighi de Dio. E, se femo sforsi, la nostra amicìssia col Sovrano Signor Geovà la pol restar cada volta pi forte. Lu el ne ga fato rivar darente de lu. Lu el ga volesto che noantri fùssino so amighi par meso del so Fiol, Gesù. (Gioani 6:44) E Geovà el scolta quando preghemo a lu. — Sal. 34:15

Come che noantri podemo mostrar che amemo tanto a Geovà e proteger la nostra amicìssia con lu? L’è importante no far quel che i israeliti i ga fato. Geovà el ga fato un acordo coi israeliti, cossita lori i podea gaver la oportunità de esser so amighi. Ma poco tempo dopo, lori i ga fato un vedel de oro e i ga scominsià a praticar idolatria. (Éso. 32:7, 8; 1 Cor. 10:7, 11, 14) Alora, ghemo de domandarse: ‘Cossa fao quando son tentà a far una roba sbaliada? Quel che mi fao dimostra quanto mi amo a Geovà?’ Se amemo el nostro Pare selestial de tuto el cuor, noantri ndemo scampar via dele robe che lu el òdia. — Sal. 97:10

VARDA EL VÌDEO TENDI DELA TO AMICÌSSIA CON GEOVÀ (COL. 3:5), E DOPO RISPONDI A QUESTE DOMANDE:

• Parché che no ghemo de voler sempre de pi?

• Parché che la idolatria e voler sempre de pi l’è pericoloso?

• Che someianse ghen’è intrà el adultèrio e la idolatria?

• Parché che ancora de pi quei che i ga responsabilità nela congregassion i ga de tender de quel che la so sposa la ga de bisogno?