Seitemo doperar i foieti

De 2013 in qua, ghemo 8 bei foieti che i parla cada un de un assunto. Questi foieti i fà parte dele Prinsipai publicassion e vìdei par insegnar. Par quela, podemo doperarli nela predicassion e anca quando semo drio viaiar o far compre. I foieti no i ze stati fati par studiar la Bìblia cole persone, ma podemo doperarli par giutar le persone a imparar de pi sora Dio.

Quando scominsiemo a parlar con qualchedun, podemo far una domanda che ghen’è nte un dei foieti. Par esémpio, se vedemo che la persona la ze drio slevar un fiol, la ga perso qualchedun nela morte o la ze drio passar par una situassion difìcile, podemo dirghe: “Varda che interessante la domanda che ghen’è in questo foieto.” Te pol insentivarla a scòlier una dele tre risposte. Dopo, te pol mostrarghe la risposta dela Bìblia doperando el testo bìblico che l’è rento el foieto. Se ela la ga tempo, ti te pol anca leder e parlar sora arquanti punti che i ze nel foieto. Daghe el foieto e insentiva la persona a lederlo tuto. Anca se el nostro prinsipal ogetivo no l’è mia sol assarghe publicassion ale persone, i foieti i pol giutarne a catar persone che le vol obedir a Dio. — Ati 13:48