Organisadi par predicar a tuti

Cossita come Geovà el ga organisà i israeliti nel passà, anca ancoi lu el organisa el so pòpolo par far la so volontà. In tuto el mondo, le filiai, i sircuiti, le congregassion e i grupi par la predicassion i laora tuti insieme par giutar nela òpera de predicassion. Par quela, semo boni de predicar a tuti, fin a quei che i parla altre léngue. — Apo. 14:6, 7

Gheto belche pensà de imparar nantra léngua par insegnar la verità a una persona? Anca se no te ghè mia tempo par studiar nantra léngua, te pol doperar el JW Language par imparar una presentassion fàcile. Se te fè questo te pol gaver la medèsima alegria che i fradei del passà i ga bio quando che i ga predicà par persone de altre nassion. L’è stà una roba de gnanca creder par quele persone quando le ga scoltà nela so pròpia léngua le robe maraveiose de Dio. — Ati 2:7- 11

VARDA EL VÌDEO DEVÉNTATE AMIGO DE GEOVÀ — PREDICA IN NANTRA LÉNGUA, E DOPO RISPONDI A QUESTE DOMANDE:

• 

  Quando che te pol doperar el JW Language?

• 

  Cossa ghen’è nel JW Language che pol giutarte?

• 

  Che altre léngue se parla ndove che te predichi?

• Cossa gheto de far se te cati qualchedun che el vol imparar la verità ma el parla nantra léngua? — Organizados pàg. 100-101 paràg. 39-41