Come che podemo pareciarse par la Selebrassion?

La ùltima Pasqua che Gesù el ga selebrà la era tanto importante parché lu el savea che suito el ndaria morir. Par quela, lu el se ga parecià par selebrar la Pasqua insieme dei so apòstoli. In quela note, lu el ga fato una roba diferente: la Sena del Signor. Gesù el ga domandà a Piero e Gioani par pareciar el posto ndove lori i ndaria magnar. (Luc. 22:7-13; vedi la stampa dela prima pàgina.) Anca noantri ghemo de pareciarse par la Selebrassion, che la ndarà esser fata giorno 27 de marso. Tute le congregassion le se ga belche parecià par questo giorno. Ma cossa che ti te pol far par pareciarte?

Parecia el to cuor. Fà la letura dela Bìblia par la Selebrassion e pénsaghe sora. Te pol catar questi testi nel libreto Examine as Escrituras Diariamente. Ghen’è anca una programassion nel Apêndice B12 dela Tradução do Novo Mundo da Bíblia Sagrada. (Vedi anca la Programassion de april de 2020.) Te pol catar pi informassion sora el risgate nel Índice das Publicações da Torre de Vigia o nel Guia de Pesquisa para Testemunhas de Jeová e doperarle nela to adorassion in fameia.

Convida i altri par la Selebrassion. Sfòrsate par convidar tuti quei che te pol. Pensa nele persone che te piaseria convidar. Par esémpio, persone che le ga belche studià la Bìblia con ti o quei che te sì drio visitar, persone che te cognossi o che le ze dela to fameia. I ansiani i ga de ricordarse de convidar i inativi. Ma, e se una persona che te ghè convidà no la ze de star ndove che la to congregassion la predica? Va nel site jw.org, struca nela session CHI SEMO e dopo in “Selebrassion”. Lì te pol catar la ora dela Selebrassion e el posto pi darente dela persona.

Che altre robe te pol far par pareciarte par la Selebrassion?