Tre maniere de ndar in serca del aiuto de Geovà

Davi l’è stà bon de vinser Golia parché el se ga fida in Geovà. (1 Sam. 17:45) Geovà el vol tanto darghe forsa e giutar i so servi. (2 Cró. 16:9) Invesse de noantri fidarse in quel che semo boni de far o ntela nostra speriensa, volemo fidarse in Geovà. Ma come che podemo farlo? Vedemo tre maniere.

• Prega sempre. Prega a Geovà, nò sol par domandar scusa de un sbàlio che te ghè fato, ma anca par gaver forsa de no sbaliar. (Mat. 6:12, 13) Invesse de domandar a Geovà che el benedissa una dessision che te ghè belche fato, prega a lu par gaver sabedoria vanti de far qualche dessision. — Tia. 1:5

• Gàpia una programassion par leder e studiar la Bìblia. No stà assar che passe un giorno sensa leder la Bìblia. (Sal. 1:2) Pensaghe sora quel che te ghè ledesto e meti in pràtica quel che te ghè imparà. (Tia. 1:23-25) No stà fidarte sol in quel che belche te sè, ma paréciate sempre par la predicassion. Paréciate ben anca par le riunion, cossita te ndarè imparar meio.

• Obedissi ale orientassion dela organisassion de Geovà. Te ghè de saver ben quale che le ze le ùltime orientassion che la organisassion la ga dato, e dopo te ghè de meterle in pràtica presto. (Nùm. 9 :17) Obedissi anca ale orientassion e ai consili dei ansiani. — Ebr. 13:17

VARDA EL VÌDEO NO STÀ GAVER PAURA DELA PERSEGHISSION, E DOPO RISPONDI A QUESTE DOMANDE:

• I fradei e le sorele i ga bio paura de che?

• Cossa che li ga giutadi a darghene fora cola paura?