19-25 DE FEBRARO
SALMI 8-10
Càntico 2 e orassion | Cossa che ndaremo imparar ancoi? (1 min)
1. ‘Vao lodarte, ò Geovà’
(10 min)
Geovà l’è tanto bon par noantri. (Sal. 8:3-6; Sentinela 08/21 pàg. 3 paràg. 6)
Ghemo caro de lodar a Geovà parlando ai altri sora le robe maraveiose che el fà. (Sal. 9:1; Sentinela 05/20 pàg. 23 paràg. 10)
Podemo lodar a Geovà anca quando cantemo a lu de tuto el cuor. (Sal. 9:2; Sentinela 04/22 pàg. 7 paràg. 13)
DOMANDATE: ‘De che altre maniere posso lodar a Geovà?’
2. Va in serca de lession pressiose dela Bìblia
(10 min)
Sal. 8:3 — Cossa che vol dir i ‘dei de Dio’ in questo testo? (Perspicaz vol. 1 pàg. 664)
Che lession pressiose te ghè imparà nela letura de questa stimana?
3. Letura
4. Come scominsiar a parlar cola persona
(3 min) DE CASA IN CASA. El paron de casa el dise che no’l crede mia in Dio. (Ama le persone lession 5 punto 4)
5. Come seitar a parlar cola persona
(4 min) PREDICASSION INFORMAL. Una volta la persona la te ga dito che no la credea in Dio, ma che la vol saver le prove che ghen’è un Creador. (Sfòrsate lession 7)
6. Discorso
(5 min) Sentinela 06/21 pàg. 6-7 paràg. 15-18 — Tema: Giuta el to studiante a lodar a Geovà. (Sfòrsate lession 10)
Càntico 10
7. Come far la predicassion informal de maniera natural
(10 min) Discorso con arquante domande.
Una maniera de lodar a Geovà l’è predicar a quei che catemo quando semo drio far altre atività. (Sal. 35:28) Pol esser che ghemo un pochetin de paura de predicar in queste oportunità. Ma quando imparemo a scominsiar a parlar cola persona e seitar a discorer con ela de maniera natural, ne piaserà predicar cossita e sarà cada volta pi fàcile de farlo.
Mostra el VÌDEO Sìpia pronto par parlar dele “bone notìssie dela pace” — Scomìnsia una ciàcola. Dopo, fà la domanda:
Cossa che te ghè imparà del vìdeo che pol giutarte a predicar meio de maniera informal?
Varda quel che te pol far par scominsiar una ciàcola:
Sempre che te vè fora de casa stà atento ale oportunità de scominsiar una ciàcola. Prega a Geovà che el te giute a catar una persona che la vol scoltarte.
Sìpia simpàtico e mostra interesse nele persone che te cati. Proa saver qualcossa sora la persona, cossita te pol parlar de una verità dela Bìblia che podaria giutarla.
Proa saver come che te pol parlar cola persona nantra volta e come ela la pol parlar con ti.
No stà restar disgustà se la ciàcola la se finisse vanti che te sì bon de parlar dela Bìblia cola persona.
Seita pensar nela persona dopo che te parli con ela. Mandaghe un link de un testo bìblico o de una matèria del site jw.org par mostrar che te te importi con ela.
Proa far cossita: Se qualchedun el te domanda ‘Come l’è stà el final de stimana?’, proa contarghe quel che te ghè imparà nela riunion o sora el laoro che te fè de parlar sora la Bìblia cole persone.
8. Orientassion par la congregassion
(5 min)