19-25 DE MAIO
PROVERBI 14
Càntico 89 e orassion | Cossa che ndaremo imparar ancoi? (1 min)
1. Pensa ben cossa te vè far quando sucede una desgràssia
(10 min)
No stà mia creder in ‘tuto quel che i altri i dise’. (Pro. 14:15; Sentinela 02/23 pàg. 23 paràg. 10-12)
No stà mia fidarte sol in quel che te pensi e nela to speriensa. (Pro. 14:12)
No stà mia badar quei che no i vol ndar drio le orientassion dela organisassion de Geovà. (Pro. 14:7)
PENSAGHE SORA: Ansiani, sio pronti par obedir ale orientassion e fidarve in Geovà quando sucede una desgràssia? — Sentinela 07/24 pàg. 5 paràg. 11.
2. Va in serca de lession pressiose dela Bìblia
(10 min)
Pro. 14:17 — Parché che “el omo che pensa ben sora le robe l’è odià”? (Perspicaz vol. 2 pàg. 780)
Che lession pressiose te ghè imparà nela letura de questa stimana?
3. Letura
4. Come scominsiar a parlar cola persona
(3 min) PREDICASSION NDOVE GHEN’È PERSONE. La persona la te dise che la ze preocupada cola economia. Mostraghe un testo dela Bìblia che saria interessante par ela. (Ama le persone lession 3 punto 3)
5. Come seitar a parlar cola persona
(4 min) DE CASA IN CASA. Assa una revista che la parla sora un assunto che el paron de casa el ga mostrà interesse nela ùltima volta che se gavé parlà. (Ama le persone lession 9 punto 4)
6. Come giutar la persona a far compagno Gesù
(5 min) Incoraia el to studiante a leder la Bìblia tuti i di e mostraghe come farlo. (Sfòrsate lession 19)
Càntico 126
7. Sìpia parecià vanti de suceder una desgràssia
(15 min) Discorso con arquante domande che un ansiano el fà.
Se ghen’è qualcossa che Betel e el corpo de ansiani i vol che se ricordemo, parla de questo.
Intanto che vivemo nei “ùltimi giorni”, savemo che le dificoltà le vegnarà cada volta pedo. (2 Tim. 3:1; nota dela Bìblia de stùdio in Mat. 24:8) Quando sucede una desgràssia, el pòpolo de Geovà el riceve orientassion nela ora giusta. Ma lore sol le giutarà a salvar la nostra vita se semo obedienti e se se pareciemo ben adesso. Come che ghemo de pareciarse? — Pro. 14:6, 8
Fà pi forte la to fede: Gàpia una bona programassion par leder e studiar la Bìblia. Sfòrsate par far meio nele diverse maniere de predicar. No stà spaurarte se te resti distante dei fradei par un tempo. (Pro. 14:30) Geovà e Gesù i sarà sempre darente de ti. — Organizados pàg. 176 paràg. 15-17.
Parécia quel che te gavarè de bisogno: Tuti i ga de ver pronta la so bolsa cole robe che i ga de pi bisogno. Anca i ga de ver metesto via un pochetin de àqua, magnar, rimedi e robe come queste se ghe toca restar sensa ndar fora de casa par un tempo. — Pro. 22:3; Sté atenti! 05/17 pàg. 4.
Mostra el VÌDEO Sito parecià par una desgràssia? Dopo, fà le domande:
Come che Geovà el pol giutarne quando ghen’è una desgràssia?
Come che podemo esser sempre pareciadi?
Come che podemo giutar quei che i ga passà par una desgràssia?