9-15 DE GIUGNO
PROVERBI 17
Càntico 157 e orassion | Cossa che ndaremo imparar ancoi? (1 min)
Un casal de israeliti drio ciacolar in pace intanto che i magna pan
1. Come gaver pace nel matrimònio
(10 min)
Mantegner la pace ghe vol sforso, ma sarà bon par valtri. (Pro. 17:1; varda la stampa)
No sté barufar par poco o gnente. (Pro. 17:9; Sté atenti! 09/14 pàg. 11 paràg. 2)
Controlé i vostri sentimenti. (Pro. 17:14; Sentinela 01/05/08 pàg. 10 paràg. 6-11 paràg. 1)
2. Va in serca de lession pressiose dela Bìblia
(10 min)
Pro. 17:3 — De acordo con questo testo, parché che l’è importante proteger el nostro cuor? (Sentinela 06/23 pàg. 20 paràg. 3)
Che lession pressiose te ghè imparà nela letura de questa stimana?
3. Letura
4. Come scominsiar a parlar cola persona
(3 min) PREDICASSION INFORMAL. (Ama le persone lession 3 punto 5)
5. Come scominsiar a parlar cola persona
(4 min) PREDICASSION NDOVE GHEN’È PERSONE. Domanda ala persona se la vol studiar la Bìblia. (Ama le persone lession 6 punto 4)
6. Discorso
(5 min) Cossa vol dir questi testi dela Bìblia? 60 — Tema: Cossa vol dir Proverbi 17:17? (Sfòrsate lession 13)
Càntico 113
7. Cossa far par parlarse meio nela fameia
(15 min) Discorso con arquante domande.
Par gaver una fameia felice, gavé de parlarse un colaltro. Quando tuti nela fameia i parla sora quel che i pensa o i sente, i ze boni de laorar intesi par rivar ai so ogetivi. Anca, i ze boni de giutarse quando i infronta dificoltà. (Pro. 15:22) Cossa podé far par tuti nela fameia sentirse tranquili par parlar sora le so idee e i so sentimenti?
Passé tempo insieme. (Deu. 6:6, 7) Quando tuti nela fameia i fà robe insieme come divertirse, tender dei so afari e ndar ale riunion e ala predicassion, lori i fà pi forte el so amor e i se fida de pi un nel altro. Anca, i ga de pi oportunità par sciacolar. Dele volte, pol esser che te tocarà assar de banda quel che te vol par far qualcossa che i altri dela to fameia i vol far. Ma, col tempo, te vedarè che l’è bon far cossita! (Fil. 2:3, 4) Come podé doperar ben el tempo che gavé insieme? — Efe. 5:15, 16
Mostra el VÌDEO Come gaver pace nela fameia — Parléve meio. Dopo, fà le domande:
Come che doperar mal i apareli eletrónichi pol intrigar la fameia de parlarse?
Che altre robe sora parlarse ben te ghè imparà de questo vìdeo?
Scolta con atension. (Tia. 1:19) Sarà pi fàcile par i tosatei parlar sora quel che i pensa o i sente se lori i sa che i so genitori i va capirli e no i va giulgarli. Alora, sfòrsate par nò inrabiarte se to fiol el te dise qualcossa che te assa preocupà. (Pro. 17:27) Invesse, scolta con atension. Proa capir i so pensamenti e i so sentimenti. Cossita, te sarè bon de assarlo sicuro che te lo ami e anca de giutarlo con amor.