Biscoti par i me cagneti

“Le Testimònie de Geovà le mostrea bontà ale persone, ma anca ai me cagneti. Nte un giorno, Elaine che la era nel careto, la ga dato biscoito ai me can. Dopo, sempre che èrino drio caminar lì darente, i me can i volea ndar fin el careto par magnar biscoti.

“Dopo de arquanti mesi, mi e i me can ancora ndeino al careto parché me piasea ciacolar cole Testimònie de Geovà e lori ghe piasea magnar biscoti. Ma no volea restar tanto tempo lì parché no savea in quel che lore le credea e mi gavea de pi de 70 ani. Come mi ero stufo con tante religion, go pensà che l’era meio studiar la Bìblia mi sol.

“Mi vedea le Testimònie de Geovà nei careti anca in altri posti dela cità. Lore le me tratea tanto ben e le doperea la Bìblia par risponder ale me domande. Cossita, go scominsià a fidarme de pi in lore.

“Dopo de un tempo, Elaine la me ga domandà: ‘Te credi che Dio el ga creà le bèstie parché ne vol tanto ben?’ Mi go dito: ‘Sicuro che si!’ Alora Elaine la me ga ledesto Isaia 11:6-9. Dopo de quel che la me ga dito, go volesto imparar de pi sora la Bìblia. Ma ancora no volea ciapar publicassion cole Testimònie de Geovà.

“Dopo, mi go scominsià a gaver bele ciàcole con Elaine e so omo, Brent. Lori i me ga dito par leder de Mateo fin Ati par capir quel che gavea de far par esser un dissìpolo de Cristo. Mi go fato pròpio cossita, e nela metà del ano de 2016, go scominsià a studiar la Bìblia con lori.

“Mi ero tanto contento con quel che ero drio imparar nel me stùdio dela Bìblia e me piasea tanto de ndar ale riunion tute le stimane. Intorno de un ano dopo, me go batesà. Ancoi, mi go 79 ani e son tanto contento de gaver catà la vera religion. Mi ringràssio tanto a Geovà parché el me ga assà far parte dela so fameia.”