Proa imparar robe nove quando te studi la Bìblia

Prima de scominsiar a studiar, podemo domandarse: ‘Sora cossa vao imparar ancoi?’ Quando scoliemo un assunto, fursi ghemo belche idea de quel che ndaremo imparar. Ma ghemo de ricordarse che fursi ghen sarà altre robe che Geovà el vol insegnarne. Alora, come che podemo imparar quel che Geovà el vol insegnarne?

Prega a Geovà par domandarghe sabedoria. Domanda che Geovà el te giute a capir cossa che lu el vol che te impari adesso. (Tia. 1:5) No stà pensar che basta quel che belche te sè. — Pro. 3:5, 6.

Assa che la Bìblia la te giute a cambiar. “La Parola de Dio la ze viva.” (Ebr. 4:12) La Bìblia la pol giutarne a cambiar arquante robe che ne ocore nela vita. Ma questo sol ndarà suceder se se ricordemo che ne ocore capir cossa che Geovà el vol insegnarne.

Mostra che te dè valor a tuto quel che Geovà el fà par insegnarte. Quel che Geovà el ne insegna l’è come un “banchete con bon magnar”. (Isa. 25:6) Alora, no stà assar de leder o studiar assunti che te par che no te piaserà. Cossita, te assarè che Geovà el te insegne, e te piaserà ancora de pi de studiar!