Spartir coi altri “una benedission spiritual”

Quando noantri semo coi nostri fradei, se sentimo incoraiadi. Ma no basta sol star insieme, ghemo anca de far qualcossa par giutarli a gaver una fede pi forte. La Bìblia la dise che far cossita l’è “una benedission spiritual”. (Rom. 1:11, 12) Che robe che podarìssino far par esser una benedission par i fradei?

Parla robe che incoraia. Par esémpio, nei nostri comentari nele riunion, podemo parlar sora Geovà, sora la so Parola e sora i so servi fedeli invesse de parlar de noantri e de quel che pensemo. Quando semo drio discorer coi fradei, ghemo de parlar robe che ghe giute a gaver una fede pi forte.

Sìpia un bel esémpio. Podemo incoraiar tanto i fradei e sorele se seitemo a laorar come pionieri anca quando semo drio infrontar dificoltà. Podemo incoraiarli anca par meso del nostro sforso de ndar a tute le riunion del meso dela stimana, anca quando ghemo un problema de salute o quanto semo strachi par causa dela giornada de laoro.

Cossa te risponderissi: Quel che te disi e quel che te fè incoraia i altri? Te stè atento a quel che i altri i dise o i fà che pol incoraiarte?