Fìdate cada volta de pi che Geovà el pol salvarte

Ledi Nùmeri 13:25–14:4 e varda che i israeliti no i se ga fidà in Geovà.

Impara de pi sora quel che ga sucedesto. Parché i israeliti i podea fidarse che Geovà li protegeria quando i vegnesse fora del Egito? (Sal. 78:12-16, 43-53) Parché che lori no i ga seità a fidarse in Geovà? (Deu. 1:26-28) Come che Giosuè e Calebe i ga mostrà che i se fidea in Geovà? — Nùm. 14:6-9.

Va in serca de imparar tuto quel che te pol sora questa stòria. Cossa che i israeliti i podaria gaver fato par seitar a fidarse in Geovà? (Sal. 9:10; 22:4; 78:11) Parché che ghemo de rispetar a Geovà se volemo fidarse in lu? — Nùm. 14:11.

Pensa sora quel che te ghè imparà e meti in pràtica. Domàndate:

• ‘Quando che par mi saria pi fadiga fidarme del tuto in Geovà?’

• ‘Cossa che posso far par fidarme ancora de pi in Geovà adesso e nel futuro?’

• ‘De cossa che posso esser sicuro quando scomìnsia la granda tribolassion?’ — Luc. 21:25-28.