Chi che ga scoltà a Dio vanti del grando Dilùvio?

Nel tempo de Noè, quasi tute le persone le fea cose rugne. Gênesis 6:5

Adon e Eva i ga bio fioi, e le persone le se ga tornà tante ntela Tera. Ghenʼè stato àngeli che i se ga rebelà insieme col Diaol e i è vegnesti ala Tera.

I se ga tornà come umani e i se ga maridà con fémene. Ste fémene le ga bio fioi che i era pi grandi, cativi e i gavea de pi forsa che i altri òmini.

El mondo el se ga tornà pien de persone che fea cose rugne. La Bìblia la dise che ‘i òmini i fea tante cose rugne ntela tera e che i pensamenti del soo cuor i zera voltadi par far el mal tuto el tempo’.

Noè el ga scoltà a Dio e el ga fato la arca. Gênesis 6:13, 14, 18, 19, 22

Noè lʼera un omo bon. Geovà el ga dito a Noè che el finiria cole persone rugne in un grando dilùvio.

Dio el ga dito anca a Noè par far una granda imbarcassion, la arca, e menar rento la soa fameia e tuti i tipi de animai.

Ancora che Noè avisesse le persone sora el Dilùvio, lore no lo scoltea mia. Ghenʼera de quei che i ridea de Noè e altri che i gavea òdio de lu.

Quando che Noè el ga finio de far la arca, el ga menà rento i animai e anca la soa fameia.