Chi che lʼè Gesù?

Gesù lʼè stà mandà ala Tera par Geovà Dio. 1 João 4:9

Se volemo contentar a Geovà, gavemo de scoltar nantra persona importante. Tanto tempo vanti de Geovà crear Adon, lu el ga creà un àngelo poderoso nei cieli.

Dopo de un tempo, Geovà el ga mandà sto àngelo ala Tera. Lu lʼè nassesto in Belém de una vèrgine che se ciamea Maria. Sto fiol el ga ricevesto el nome de Gesù. — João 6:38.

Gesù el ga mostrà le medèsime qualità de Dio nel tempo che el ga vivesto ntela Tera. El fea el ben, el mostrea amor e el zera sempre pronto par scoltar le persone. El gavea coraio par insegnar la verità sora Geovà.

Gesù el ga fato el ben, ma lʼè stà odià. 1 Pedro 2:21-24

Gesù el ga curà maladi e ressussità morti.

Quei che gavea autorità religiosa i gavea òdio de Gesù. El motivo lʼera che lu el mostrea che lori no insegnea la verità sora Dio e anca che el parlea dele cose sbaliade che i fea.

Quei che gavea autorità religiosa i ga convinsesto i romani a castigar e dopo a copar Gesù.