El sofrimento ndarà finirse qualche di?

COSSA CHE LA BÌBLIA LA DISE

‘Dio . . . sugarà cada làgrima dei soi ocii, e no ghen sarà mia pi la morte, gnanca pi lamentassion, gnanca clamor, gnanca dolor.’​— Revelação (Apocalipse) 21:3, 4, Tradução do Novo Mundo.

PARCHÉ LʼÈ BON SAVER STE COSE

Te poderè . . .

creder che no lʼè mia Dio che ga colpa dele nostre dificoltà.​— Tiago 1:13.

esser consolà par saver che Dio lʼè bon capir cossa che passemo e sofrimo.​— Zacarias 2:8.

ver la speransa che tuto el sofrimento ndarà finirse. ​— Salmo 37:9-11.

SE POL PRÒPIO CREDER IN QUEL CHE LA BÌBLIA LA DISE?

Si, al manco par due motivi:

• Dio el ga òdio del sofrimento e dela ingiustìssia. Pénseghe sora in come Geovà Dio el se sentia quando le persone del passà che lo servia le era castigade de maniera ingiusta. La Bìblia la dise: ‘Intanto che lori i sofria, Dio el sofria insieme.’​— Isaías 63:9.

  Dio el resta furioso quando una persona la fa el mal a nantra. Par esémpio, la Bìblia la dise che lu el ga òdio dele ‘man che fa sàngue inossente ndar par tera.’ — Provérbios 6:16, 17.

• Dio el vol ben a tuti noantri. No semo mia sol noantri che ‘cognossemo el nostro dolor.’ Geovà anca lo cognosse. — 2 Crônicas 6:29, 30.

  Par meso del soo Regno, Geovà suito el finirà col sofrimento de tute le persone. (Mateus 6:9, 10) E, fin che no riva sto tempo, Geovà el consola con amor a tuti quei che veramente i ze drio ndar in serca de lu. — Atos 17:27; 2 Coríntios 1:3, 4.