LESSION 8

Come insegnar con ilustrassion

Mateo 13:34, 35

COSSA CHE TE GHÈ DE FAR: Dopera ilustrassion sémplisse e ben pareciade par tocar el cuor dele persone e insegnar punti importanti.

Scoli ilustrassion sémplisse: Fà compagno Gesù: dopera cose sémplisse par spiegar cose difìcile. No stà mia meter pi detali che i assa la ilustrassion pi difìcile de capir. Stà atento che la to ilustrassion la gàpia relassion col punto che te vol insegnar par no assar le persone confuse.

Par scolier ben le ilustrassion, varda ben intorno, va in serca nele publicassion e stà atento ai boni istrutori. Scrivi nte un caderno le ilustrassion che te piaseria doperar e pòrtalo sempre con ti.
Pensa nele persone che te vol giutar. Scoli ilustrassion sora quel che le persone le ghe piase de far e de parlar. Stà atento par no doperar ilustrassion che le pol ofender o assar le persone con vergogna.
Insegna i punti prinsipai. Dopera le ilustrassion par insegnar i punti prinsipai, nò i detali. Le persone le ga de ricordarse del punto che ti te vol insegnar, nò sol dela ilustrassion.