LESSION 14

Come assar ciaro i punti prinsipai

Ebrei 8:1

COSSA CHE TE GHÈ DE FAR: Giuta quei che i te scolta a capir el rassiossìnio de quel che te sì drio parlar. Móstraghe come che i punti prinsipai i ze relassionadi col tema e col ogetivo del to discorso.

COME CHE TE POL FARLO:

Pensa nel to ogetivo. Vuto darghe informassion, convinser o motivar le persone? Parécia el to discorso con questo ogetivo. Stà atento che tuti i punti prinsipai i te giute rivar a questo ogetivo.

Domàndate: “Cossa che quei che i me scolta i pensa sora questo? Che domande lori i pol farme? In che òrdine lori i pol farle?” Alora parécia el to discorso in questa òrdine cossita le persone le pol seghir el to discorso, capirlo e esser de acordo con ti.
Assa ciaro el tema del discorso. Durante el to discorso, mensiona arquante volte le parole prinsipai del tema o dopera parole che le gàpia el medèsimo significà.
Spiega i punti prinsipai de maniera sémplisse e ciara. Scoli sol i punti prinsipai relassionadi col tema e che te pol spiegar rento del tempo designà. Scoli pochi punti prinsipai. Spiega un punto, fà una pausa e dopo scomìnsia a spiegar nantro punto.

Te pol mensionar i punti prinsipai nel scomìnsio del discorso e giutar quei che i te scolta a seghirli durante el discorso. Te pol anca dirli nantra volta nel fin del to discorso par giutar le persone a ricordarli.