LESSION 18

Come doperar informassion interessante

1 Corinti 9:19-23

COSSA CHE TE GHÈ DE FAR: Giuta quei che i te scolta a pensarghe sora le informassion e esser sicuri che i ga imparà qualcossa de ùtile.

Pensa in quel che le persone belche le sà. Invesse de parlar de quel che le persone belche le cognosse, giùtale a veder quel che le sà de una maniera difarente.

Dopera manco tempo par le informassion che lore belche le sà e dopera pi tempo par le idee nove.
Va in serca de informassion e pénsaghe sora. Quando te pol, dopera informassion nove o qualche notìssia ressente par spiegar le idee prinsipai. Stà atento par doperar informassion che le gàpia relassion con quel che te sì drio parlar.

Intanto che te studi le informassion, domàndate: chi? cossa? quando? ndove? come? e parché? Se te doperi qualche de queste domande e te dè le risposte nel to discorso, la to maniera de insegnar la sarà pi interessante par le persone.
Mostra parché che el messàgio l’è importante. Mostra ale persone come che i prinsipi dela Bìblia i pol giutarle nela so vita. Parla sora situassion spessìfiche, maniere de far e de comportarse che lore le cognosse.