LESSION 28
Come che te pol mostrar che te ghe dè valor a quel che Geovà e Gesù i ga fato par ti?
Come che te te senti quando un amigo el te dà un presente? L’è sicuro che te resti tanto contento e che te vol mostrar che te dè valor a quel che el te ga dato. Geovà e Gesù i ne ga dato el meio presente che ghen’è, che l’è stà el sacrifìssio de Gesù. Come che podemo mostrar che ghe demo valor a questo presente?
1. Come podemo mostrar che ghe demo valor a quel che Geovà e Gesù i ga fato par noantri?
La Bìblia la dise che tuti quei che i mostra che i ga fede in Gesù i pol viver par sempre. (Gioani 3:16) Alora, ghemo de far de pi che sol gaver fede, ghemo anca de mostrarla. Mostremo la nostra fede par meso de quel che femo e de quel che parlemo. (Tiago 2:17) Cossita, femo pi forte la nostra amicìssia con Gesù e col so Pare, Geovà. — Ledi Gioani 14:21.
2. Quando podemo mostrar che ghe demo valor a quel che Geovà e Gesù i ga fato par noantri?
Nela note vanti de morir, Gesù el ga dito ai so dissìpoli come che i podaria mostrar che i ghe dea valor al so sacrifìssio. Lu el ga dito che lori i gavaria de riunirse par far la Selebrassion dela so morte, o dela Sena del Signor. (1 Corinti 11:20) Gesù el volea che i so apòstoli e quei che i ndesse drio a lu i fesse questo. Par quela che lu el ga dito: ‘Seité a far questo in ricordo de mi.’ (Luca 22:19) Cossita, quando te vè ala Selebrassion, te mostri che te ghe dè valor al amor che Geovà e Gesù i ga par ti.
IMPARA DE PI!
Che altre robe podemo far par mostrar che ghe demo valor al amor che Geovà e Gesù i ga mostrà par noantri? Parché che la Selebrassion dela morte de Gesù la ze tanto importante?
3. Altre maniere de mostrar che ghe demo valor a quel che Geovà e Gesù i ga fato
Proa imaginar che te sì drio negarte e qualchedun el te salva. Sarà che te ndarissi desmentegarte de quel che lu el ga fato, o te ndarissi mostrar che te ghe dè tanto valor?
Geovà el ne ga dato la speransa de viver par sempre. Ledé 1 Gioani 4:8-10, e dopo, parlé sora questo:
Parché che el sacrifìssio de Gesù l’è el meio presente che ghemo ricevesto?
Come te te senti par causa de quel che Geovà e Gesù i ga fato par ti?
Come che podemo mostrar che ghe demo valor a quel che Geovà e Gesù i ga fato par noantri? Ledé 2 Corinti 5:15 e 1 Gioani 4:11; 5:3. Dopo de leder cada testo, parlé sora questo:
Cossa che podemo far par mostrar che ghe demo valor?
4. Proa far compagno a Gesù
Noantri anca mostremo che ghe demo valor a quel che Geovà e Gesù i ga fato quando proemo far compagno a Gesù. Ledé 1 Piero 2:21, e dopo, parlé sora questo:
De che maniere te pol far compagno a Gesù?
Gesù el amea la Parola de Dio, el predichea le bone notìssie e el giutea le persone
5. Va ala Selebrassion dela morte de Cristo
Par saver quel che ga sucedesto nela prima Sena del Signor, ledé Luca 22:14, 19, 20. Dopo, parlé sora questo:
Cossa ga sucedesto nela Sena del Signor?
Cossa che vol dir el pan e el vin nela Sena del Signor? (Vardé i versìcoli 19 e 20.)
Gesù el volea che i so dissìpoli i fesse la Sena del Signor tuti i ani nel giorno dela so morte. Le Testimònie de Geovà le fà questa Selebrassion tuti i ani cossita come Gesù el ga fato. Par imparar sora questa Selebrassion che la ze tanto importante, vardé el VÌDEO. Dopo, parlé sora questo.
Cossa che sucede nela Selebrassion dela morte de Gesù?
Nela Selebrassion, el pan el vol dir el corpo perfeto de Gesù, e el vin el vol dir el so sangue.
FURSI TE GHÈ BELCHE SCOLTÀ: “Basta creder in Gesù par esser salvo.”
Come che te doperarissi Gioani 3:16 e Tiago 2:17 par mostrar che no basta mia sol creder in Gesù?
COSSA CHE TE GHÈ IMPARÀ?
Ghe demo valor al sacrifìssio de Gesù quando mostremo che ghemo fede in lu e quando ndemo ala Sena del Signor.
Sito bon de ricordarte?
Come mostremo che ghemo fede in Gesù?
Cossa che te piaseria far par mostrar che te ghe dè valor a quel che Geovà e Gesù i ga fato?
Parché che l’è tanto importante ndar ala Selebrassion dela morte de Gesù?
VUTO SAVER DE PI?
Dopo de saver quel che Gesù el ga fato, cossa volemo far?
Gesù el ga doperà el so corpo par darghe onor a Geovà (9:28)
Come che podemo mostrar che ghemo fede?
“Dimostra che te ghè fede nele promesse de Geovà” (La Sentinela, otobre de 2016)
Varda la stòria “Adesso sento che son neta e amo la vita” par veder come la vita de una dona la ga cambià dopo che la ga imparà sora el sacrifìssio de Gesù.
“La Bìblia la càmbia la vita dele persone” (La Sentinela, 1 de agosto de 2011)
Parché che sol poche persone le magna el pan e le beve el vin nela Selebrassion?