LESSION 30
Sarà che quei che te ami i pol tornar a viver?
La Bìblia la dise che la morte la ze come un nemigo parché la ne fà sofrir tanto. (1 Corinti 15:26) Nela lession 27, te ghè imparà che Geovà el ndarà finir fora con questo nemigo. Ma cossa che ndarà suceder con quei che i ze belche morti? Geovà el ga prometesto che el ndarà ressussitar bilioni de persone par viver par sempre. Ma sarà che questo ndarà pròpio suceder? Ndove che queste persone le ndarà viver? Nel cielo o nela Tera? In questa lession, te ndarè imparar de pi sora questa bela promessa.
1. Cossa che Geovà l’è premoso de far par quei dela nostra fameia e amighi che i ze belche morti?
Geovà l’è premoso de ressussitar quei che i ze morti. Un servo fedele de nome Giò l’era sicuro che Geovà no’l ndaria desmentegarse de lu dopo che el morisse. Lu el ga dito che Geovà el ndaria ciamarlo e lu el ndaria risponder. — Ledi Giò 14:13-15.
2. Come che savemo che ghen sarà una ressuression?
Quando Gesù l’era qua nela Tera, lu el ga ressussità arquante persone col poder de Geovà. Par esémpio, lu el ga ressussità una toseta de 12 ani e el fiol de una védova. (Marco 5:41, 42; Luca 7:12-15) Lu el ga anca ressussità el so amigo, Làsaro, dopo che fea quatro giorni che l’era morto. Gesù el ga pregà a Dio e el ga dito: ‘Làsaro, vien fora! E el omo che l’era morto l’è vegnesto fora.’ (Gioani 11:43, 44) L’è sicuro che la fameia e i amighi de Làsaro i ze restadi tanto contenti!
3. Che speransa ghen’è par quei che te ami che i ze morti?
La Bìblia la dise che ghen sarà una ressuression. (Ati 24:15) Gesù el ga dito che tuti quei che Geovà el vol ressussitar i tornarà a viver. (Gioani 5:28, 29) Questo vol dir che Geovà el ndarà ressussitar quei che i ze morti, anca se nissun se ricorda pi de lori. Ma ndove i ndarà viver? Nel cielo, o nela Tera? Gesù el va ressussitar bilioni de persone par viver par sempre nte un paradiso qua nela Tera. Come savemo de questo? Parché quei che Gesù el ga ressussità nel passà no i ze ndati nel cielo, ma i ze restadi contenti de viver nantra volta qua nela Tera. — Gioani 3:13.
IMPARA DE PI!
Come che podemo esser sicuri che i morti i sarà pròpio ressussitadi? Come che imparar de pi sora la ressuression pol darne consolo e speransa?
4. Gesù el ga mostrà che el pol ressussitar i morti
Impara de pi sora la ressuression de Làsaro. Ledé Gioani 11:14, 38-44, e dopo, parlé sora questo:
Come che semo sicuri che Làsaro l’era pròpio morto? (Vardé el versìcolo 39.)
Gesù el ga ressussità Làsaro par viver nantra volta qua nela Tera. Sarà che Gesù lo gavaria ressussità qua nela Tera se lu el fusse belche nel cielo?
5. Tante persone le sarà ressussitade!
Ledé Salmo 37:29, e dopo, parlé sora questo:
Ndove che i ndarà viver i bilioni de persone che le ndarà ressussitar?
Gesù el ndarà ressussitar i servi fedeli de Geovà e tante altre persone. Ledé Ati 24:15, e dopo, parlé sora questo:
Chi che te piaseria veder nantra volta?
Par Gesù, l’è tanto fàcile ressussitar qualchedun come saria fàcile par un pare desmissiar un fiol.
6. Imparar sora la ressuression ne dà speransa e ne giuta tanto
La stòria dela ressuression dela fiola de Giairo la consola tante persone. Ledé quel che ga sucedesto in Luca 8:40-42, 49-56.
Vanti de ressussitar la tosa, Gesù el ga dito a Giairo: “No stà gaver paura, sol gàpia fede.” (Vardé el versìcolo 50.) Come la speransa dela ressuression la pol giutarte quando . . .
l’è morto qualchedun che te ami?
sucede qualcossa che pol coparte?
Vardé el VÌDEO, e dopo, parlé sora questo:
Come che la speransa dela ressuression la ga giutà el pupà e la mama dela toseta?
FURSI TE GHÈ BELCHE SCOLTÀ: “Le persone no le ndarà ressussitar par viver nela Tera.”
Cossa te pensi sora questo?
Che testo te podarissi leder a questa persona par mostrarghe che la ressuression la sarà nela Tera?
COSSA CHE TE GHÈ IMPARÀ?
La Bìblia la promete che bilioni de persone che le ze morte le ndarà ressussitar. Geovà l’è premoso par ressussitar le persone, e lu el ga dato a Gesù el poder de far questo.
Sito bon de ricordarte?
Cossa che Geovà e Gesù i vol far par quei che i ze belche morti?
Quei che i sarà ressussitadi i ndarà viver nel cielo o nela Tera? Parché che te pensi cossita?
Sito sicuro che quei che te ami i tornarà a viver? Parché?
VUTO SAVER DE PI?
Cossa che te pol far se te sì drio sofrir par causa dela morte de qualchedun che te ami?
“Aiuto par infrontar el dolor dela morte” (Despertai!, No. 3 de 2018)
Che consili dela Bìblia pol giutar qualchedun che l’è drio sofrir?
Come giutar un tosatel che l’è drio sofrir par causa dela morte de qualchedun che el ama?
Sarà che ghen sarà persone che le ndarà ressussitar par viver nel cielo? Chi che no ndarà esser ressussità?