LESSION 51
Come che te pol parlar de una maniera che Geovà el ghe piase?
Noantri semo boni de parlar parché Geovà el ne ga creà cossita. Podemo dir che parlar l’è un presente che lu el ne ga dato, e lu el speta che lo doperemo ben! (Ledi Tiago 1:26.) Alora, come che podemo parlar de una maniera che Geovà el ghe piase?
1. Come che podemo parlar de una maniera che assa Geovà contento?
La Bìblia la dise che ghemo de ‘continuar a incoraiarse e a giutarse un al altro’. (1 Tessalonissensi 5:11) Sito bon de ricordarte de qualchedun che te podarissi incoraiar? Cossa che te pol far par giutarlo a sentirse meio? Te pol parlarghe che te te preocupi con lu e lodarlo par le bone qualità che lu el ga. E te pol doperar un testo dela Bìblia par incoraiarlo. Ghen’è tanti testi nela Bìblia che te pol doperar. Ma ricòrdate che la maniera che te parli pol assarlo pi contento o disgustà. Alora, proa parlar con calma e bontà. — Proverbi 15:1.
2. Cossa che no ghemo de parlar?
La Bìblia la dise: ‘No ga de vegner fora dela vostra boca gnanca una parola rugna.’ (Ledi Efesi 4:29.) Questo vol dir che no ghemo de parlar robe sporche e gnanca robe brute par disgustar ai altri. Ghemo anca de sforsarse par mai petegolar o contar busie dei altri. — Ledi Proverbi 16:28.
3. Cossa che ndarà giutarne a parlar de una maniera che incoraia i altri?
Tante volte, quel che parlemo mostra quel che pensemo e quel che sentimo. (Luca 6:45) Alora, ghemo de sforsarse par pensar in robe che le ze giuste e pure, che le ne giuta a gaver de pi amor e che le mèrita lode. (Filipensi 4:8) Par quela, l’è tanto importante scòlier ben i nostri amighi e le nostre diversion. (Proverbi 13:20) Nantra roba che ghemo de far la ze pensar in quel che ndaremo parlar, come che ndaremo farlo e come che i altri i ndarà sentirse de scoltarne. La Bìblia la dise: ‘Parole sensa pensar le fà mal come colpi de una spada, ma la léngua dei sabi la ze una cura.’ — Proverbi 12:18.
IMPARA DE PI!
Come che te pol parlar de una maniera che Geovà el ghe piase e che incoraia i altri?
4. Pensa cossa che te ndarè parlar, quando e come te vè farlo
Dele volte, parlemo robe che dopo se ciamemo grami. (Tiago 3:2) Ledé Gàlati 5:22, 23, e dopo, parlé sora questo:
Questo testo el mostra diverse qualità che pol giutarte a parlar quel che l’è bon. Che qualità te podarissi domandar che Geovà el te desse? Come queste qualità le pol giutarte?
Ledé 1 Corinti 15:33, e dopo, parlé sora questo:
Come che i to amighi e le diversion che te scoli pol giutarte o intrigarte de parlar quel che Geovà el ghe piase?
Cossa che pol giutarte o intrigarte de parlar dela maniera che Geovà el ghe piase?
Ledé Eclesiasti 3:1, 7, e dopo, parlé sora questo:
Quando che saria meio taser o spetar el tempo giusto par parlar qualcossa?
5. Parla robe bone dei altri
Cossa pol giutarte a mai parlar qualcossa che ndarà disgustar ai altri? Vardé el VÌDEO, e dopo, parlé sora questo.
Parché che el fradel el volea cambiar la maniera che el parlea dei altri?
Cossa galo fato par cambiar?
Ledé Eclesiasti 7:16, e dopo, parlé sora questo:
Cossa gheto de far quando te vien voia de parlar brute robe dei altri?
Ledé Eclesiasti 7:21, 22, e dopo, parlé sora questo:
Come che questi versìcoli pol giutarte a nò restar inrabià quando i te dise su?
6. Mostra bontà quando te parli cola to fameia
Geovà el vol che parlemo cola nostra fameia con bontà e amor. Vardé el VÌDEO, e dopo, parlé sora questo.
Cossa ndarà giutarte a parlar con bontà e amor cola to fameia?
Ledé Efesi 4:31, 32, e dopo, parlé sora questo:
Sicuro che volemo assar le persone dela nostra fameia contente. Come che podemo mostrar questo par meso de quel che parlemo?
Geovà el ga mostrà che ghe volea ben a so Fiol, Gesù. Ledé Mateo 17:5, e dopo, parlé sora questo:
Come che podemo far compagno a Geovà quando parlemo cola nostra fameia?
Stà atento ale oportunità de lodar ai altri
FURSI TE GHÈ BELCHE SCOLTÀ: “Mi parlo quel che me vien in mente. Se i altri i resta disgustadi, el problema l’è suo.”
Sito de acordo? Parché?
COSSA CHE TE GHÈ IMPARÀ?
Quel che parlemo pol farghe ben o mal ai altri. Ghemo de pensar cossa che ndaremo parlar, quando e come lo faremo.
Sito bon de ricordarte?
De che maniere te pol giutar i altri con quel che te parli?
Cossa che no te ghè de parlar?
De che maniere podemo sempre parlar con bontà e incoraiar ai altri?
VUTO SAVER DE PI?
Cossa che pol giutarne a parlar de una maniera che incoraia i altri?
Varda cossa che pol giutarte a no dir robe sporche.
Come che te pol scampar dela tràpola de parlar mal dei altri?
Varda come Geovà el ga giutà un omo a fermarse de parlar robe sporche.
“Go scominsià a pensar ndove la me vita la era drio portarme” (La Sentinela, 1 de agosto de 2013)