LESSION 52
Parché ghemo de scòlier ben quel che ndemo meterse su e come se rangiemo?
A tuti noantri ne piase scòlier le robe che ndemo meterse su e come che se rangiemo. Ma i prinsipi dela Bìblia i ne giuta a rangiarse de una maniera che va assar Geovà contento. Ndemo imparar sora arquanti de questi prinsipi.
1. Cossa che ndarà giutarne a dessider quel che ndemo meterse su e come ndemo rangiarse?
Noantri volemo che i altri i capissa che adoremo a Geovà. Par quela, ndemo rangiarse con “robe apropiade, de maniera modesta, con bon giudìssio” e che le mostra che ‘adoremo a Dio’. (1 Timòteo 2:9, 10) Cossa che imparemo de questi prinsipi dela Bìblia? (1) Le robe che metemo su e la nostra maniera de rangiarse le ga de mostrar che rispetemo Geovà. Fursi te ghè belche visto nele riunion che i servi de Geovà i dopera robe difarente un del altro, ma sempre i se rangia de una maniera che Geovà ghe piase. (2) No ghemo de rangiarse par farse veder, gnanca de una maniera che mostra massa del nostro corpo. (3) No ghemo mia de rangiarse de una maniera sol parché le persone che no le adora mia a Geovà lo fà. (4) Le robe che metemo su e la nostra maniera de rangiarse le ga de mostrar che adoremo al vero Dio. — 1 Corinti 10:31.
2. Parché che ghemo de domandarse cossa che i fradei i ndarà pensar sora la nostra maniera de rangiarse?
L’è vera che tuti noantri semo lìberi e podemo scòlier quel che ndaremo meterse su. Ma ghemo de domandarse cossa che i altri i ndarà pensar sora la maniera che se rangiemo. Noantri no volemo mai disgustar i nostri fradei. Invesse, volemo sforsarse par assarli contenti e incoraiarli. — Ledi Romani 15:1, 2.
3. Come che la nostra maniera de rangiarse la pol giutar le persone a voler imparar sora Geovà?
Sicuro che volemo esser sempre ben rangiadi, ma ghemo de sforsarse ancora de pi quando ndemo ale riunion e ala predicassion. No volemo mai che le persone le pense robe sbaliade sora Geovà e sora la Bìblia par causa dele robe che metemo su. Invesse, volemo rangiarse de una maniera che giute le persone a voler imparar sora Geovà. — Tito 2:10.
IMPARA DE PI!
Come che te pol esser sicuro che la to maniera de rangiarte mostra ai altri che te sì un servo de Geovà?
Le robe che se metemo su le pol mostrar se rispetemo una persona de autorità. Anca se Geovà el pol saver quel che ghen’è nel nostro cuor, la maniera che se rangiemo la mostra se rispetemo a lu.
4. Se te scoli ben la maniera de rangiarte, te mostri che te rispeti a Geovà
Parché che ghemo de scòlier ben le robe che se metemo su e come se rangiemo? Ledé Salmo 47:2, e dopo, parlé sora questo:
Le persone le sa che noantri semo servi de Geovà. Come che ricordarse de questo ne giuta a scòlier ben quel che se metemo su e come se rangiemo?
Te pensi che l’è importante scòlier ben la maniera de rangiarse par ndar ale riunion e ala predicassion? Parché?
5. Cossa pol giutarte a dessider cossa che te ndarè meterte su e come che te ndarè rangiarte?
No ne ocore guastar massa par comprar le nostre robe, ma le ga de esser sempre nete. Ghemo anca de scòlier doperar la roba che la va ben par el posto che ndaremo nel giorno. Ledé 1 Corinti 10:24 e 1 Timòteo 2:9, 10. Dopo, parlé parché che no ghemo de doperar robe che le ze . . .
sporche, sbregade o che no va mia ben par el posto che ndaremo in quel giorno.
strete, che le mostra massa del corpo o che le fà i altri pensar in robe sbaliade.
Anca se noantri no ghemo pi de obedir ala Lege che Dio el ga dato a Moisè, podemo imparar quel che Geovà el pensa sora arquante robe. Ledé Deuteronómio 22:5, e dopo, parlé sora questo:
I òmini no i ga de rangiarse e meterse su robe de done, e gnanca le done le ga de rangiarse e meterse su robe de òmini. Parché?
Ledé 1 Corinti 10:32, 33 e 1 Gioani 2:15, 16, e dopo, parlé sora questo:
Ghemo de domandarse se la nostra maniera de rangiarse e le robe che se metemo su ndarà disgustar a qualchedun che cognossemo o i nostri fradei. Parché?
Come che le persone le se rangia e che robe le se mete su ndove te sì de star?
Te pensi che le robe che le dopera le va ben par un servo de Dio? Parché?
Noantri podemo rangiarse e meterse su robe tanto difarente un del altro e assar Geovà contento
FURSI TE GHÈ BELCHE SCOLTÀ: “Cada un el pol rangiarse dela maniera che el vol.”
E ti, cossa te pensi? Parché che te pensi cossita?
COSSA CHE TE GHÈ IMPARÀ?
Quando scoliemo ben le robe che se metemo su e come se rangiemo, mostremo rispeto a Dio e ale persone.
Sito bon de ricordarte?
Parché che Geovà el vol che scoliemo ben le robe che se metemo su e come se rangiemo?
Che prinsipi dela Bìblia i pol giutarne a rangiarse ben?
Come che la nostra maniera de rangiarse pol far le persone pensar ben o mal de Geovà?
VUTO SAVER DE PI?
Cossa che le robe che te te meti su le mostra sora ti?
“Cossa che i altri i pensa sora le me robe de vestir?” (Varda nel jw.org)
Varda parché che l’è importante pensar ben vanti de far qualche tatuage.
“Cossa che la Bìblia la dise sora tatuage?” (Varda nel jw.org)
Che prinsipi dela Bìblia i pol giutarne a dessider che robe meterse su?
“La to maniera de vestirse la mostra che te servi a Dio?” (La Sentinela, setembre de 2016)
Varda come che una dona la ga imparà a rispetar la maniera che i altri i se rangia e le robe che i dopera.
“La me maniera de vestir la me intrighea” (Despertai!, 22 de disembre de 2003)