COME SCOMINSIAR A PARLAR COLA PERSONA
LESSION 6
Sìpia coraioso
Prinsìpio: “Dio el ne ga giutà a gaver coraio par parlarve dele bone notìssie de Dio.” — 1 Tes. 2:2.
Come che Gesù lo ga fato?
1. Varda el VÌDEO, o ledi Luca 19:1-7. Dopo, rispondi a queste domande:
Parché che fursi arquante persone no ghe piasea de Zacheo?
Parché che ancora cossita Gesù el ga predicà le bone notìssie a lu?
Cossa che imparemo de Gesù?
2. Ghemo bisogno de coraio par predicar le bone notìssie a tuti.
Fà compagno Gesù
3. Fìdate in Geovà. Par meso del so spìrito santo, Geovà el ga dato a Gesù coraio par predicar. Geovà el pol giutar anca ti a gaver coraio. (Mat. 10:19, 20; Luc. 4:18) Se te ghè paura de predicar a qualchedun, domanda a Geovà che el te giute. — Ati 4:29.
4. No stà giulgar le persone. Fursi ghemo paura de predicar a qualche persona par causa de quanti soldi la ga, dela so religion o de come che la ze. Ma ricòrdate:
Geovà e Gesù i sa quel che ghen’è nel cuor dele persone, ma noantri no savemo.
Geovà el pol giutar tute le persone.
5. Sìpia coraioso, ma gàpia rispeto e stà atento a quel che pol suceder. (Mat. 10:16) No stà discutir cola persona. Pol esser che no la vol scoltar o te vedi che la situassion la pol restar pericolosa. Alora, finissi de parlarghe con rispeto. — Pro. 17:14.