COME SEITAR A PARLAR COLA PERSONA
LESSION 9
Proa capir quel che la persona la pensa e la sente
Prinsìpio: “Gavé de esser contenti con quei che i ze contenti. Gavé de piander con quei che i piande.” — Rom. 12:15.
Come che Gesù lo ga fato?
1. Varda el VÌDEO, o ledi Marco 6:30-34. Dopo, rispondi a queste domande:
Parché Gesù e i so apòstoli i volea “restar lori soli”?
Parché Gesù el ga volesto insegnarghe a quele persone?
Cossa che imparemo de Gesù?
2. Volemo parlar dele bone notìssie ale persone, ma anca volemo giutarle.
Fà compagno Gesù
3. Scolta con atension. Cossita, te mostri che quel che la persona la pensa l’è importante par ti. Alora assa che la parle. Daghe atension a quel che la pensa e quel che la sente, anca se ela no la ze de acordo con ti.
4. Seita a pensar sora la persona. Pensa nele ùltime volte che te ghè parlà con ela e domàndate:
‘Parché che la ga bisogno dele bone notìssie?’
‘Come che studiar la Bìblia pol giutarla adesso e nel futuro?’
5. Parla sora quel che pol giutarla. Pi presto che te pol, mostra come che el stùdio dela Bìblia el pol risponder ale so domande e giutarla a gaver una vita meio.