Insegna de maniera fàcile de capir

Come che Gesù lo ga fato?

VÌDEO: Gesù el insegna che nostro Pare el tende de noantri

1. Varda el VÌDEO, o ledi Mateo 6:25-27. Dopo, rispondi a queste domande:

1. Che esémpio che Gesù el ga fato par mostrar che Geovà el tende de noantri?

2. Gesù el savea tanto sora i oseleti. Ancora cossita, sora che roba sémplisse lu el ga parlà? Parché che l’è stà una bona maniera de insegnar?

Cossa che imparemo de Gesù?

2. Quando insegnemo de una maniera fàcile de capir, le persone le se ricorda de quel che ghemo dito e semo boni de tocar el so cuor.

Fà compagno Gesù

3. No stà parlar massa. No stà parlar tuto quel che te sè sora un assunto. Parla sol quel che ghen’è nela publicassion che valtri doperé par studiar la Bìblia. Quando te fè una domanda ala persona, gàpia passiensa e speta el tempo che ghe vol fin che ela la risponda. Se no la sa la risposta o la dise qualcossa difarente de quel che la Bìblia la insegna, faghe domande par giutarla a capir el assunto. Dopo che la persona la capisse el punto pi importante, va avanti col stùdio.

4. Giuta la persona a comparar quel che belche la sa con quel che la ze drio imparar. Par esémpio, fursi valtri ndaré studiar sora la ressuression. Alora vanti de scominsiar, te pol giutarla a ricordarse de quel che belche la sa sora quel che sucede dopo dela morte.

5. Dopera ben le ilustrassion. Vanti de far una ilustrassion, domandate:

1. ‘Sarà che la ilustrassion la ze sémplisse?’

2. ‘Sarà fàcile par la persona capirla?’

3. ‘La ilustrassion la giutarà la persona a ricordarse del punto pi importante? O la ndarà ricordarse sol dela ilustrassion?’