COME GIUTAR LA PERSONA A FAR COMPAGNO GESÙ
LESSION 12
Parla quel che ghe vol
Prinsìpio: “Un bon amigo che el dà un consìlio sinsiero l’è come el òio e el insenso, parché i fà el cuor contento.” — Pro. 27:9.
Come che Gesù lo ga fato?
1. Varda el VÌDEO, o ledi Marco 10:17-22. Dopo, rispondi queste domande:
Che bone qualità Gesù el ga visto nel governante gióveno?
Parché che Gesù el gavea bisogno de amor e coraio par darghe consili a quel gióveno?
Cossa che imparemo de Gesù?
2. Ghemo de mostrar amor, ma anca parlar quel che ghe vol par spiegar ala persona quel che la ga de far par seitar a esser amiga de Geovà.
Fà compagno Gesù
3. Giuta la persona a gaver ogetivi e esser bona de rivarghe.
Dopera la parte “Sfòrsate par” che ghen’è in cada lession dela publicassion Viver felice par sempre!
Giuta la persona a capir cossa che la ga de far par rivarghe ai so ogetivi, sia quei che la pol rivarghe in poco tempo o quei che ghe volerà de pi tempo.
Sempre loda la persona par i cambiamenti che la ze drio far.
4. Proa capir cossa che intriga la persona de servir a Geovà, e giùtala a darghene fora cole dificoltà.
Domàndate:
‘Cossa che intriga la persona de far i cambiamenti che ghe vol par batesarse?’
‘Cossa posso far par giutarla?’
Prega a Geovà che el te dae coraio par parlar cola persona quel che ghe vol e ancora cossita mostrarghe amor.
5. Fermate de studiar cola persona che no la ze drio far cambiamenti.
Par saver se la persona la ze drio far cambiamenti, domàndate:
‘Ela la ze drio far quel che la impara?’
‘Ela la ze drio ndar ale riunion e parlar ai altri quel che la impara?’
‘Dopo de studiar par un tempo, sarà che la vol deventar Testimònia de Geovà?’
Se una persona che la stùdia la Bìblia no la fà cambiamenti:
Dighe par pensar sora cossa che fursi l’è drio intrigarla.
Con bontà, spiegaghe parché no te vè pi studiar la Bìblia con ela.
Dighe cossa che la ga de far se la vol tornar a studiar la Bìblia.