Sito bon de veder le qualità invisìbile de Geovà?

Quando che te vedi un fior con tanti colori, el cielo pien de stele o una bela cascata, ghe pénsito a chi che ga creà queste robe? La creassion intorno de noantri la mostra le qualità invisìbile de Geovà. (Romani 1:20) Quando che se fermemo e ghe pensemo sora quel che semo drio veder, semo boni de veder el poder, el amor, el saver, la giustìssia e la generosità de Dio. — Salmo 104:24.

Quale òpere de Geovà sito drio veder tuti i giorni? Anca se te vivi nte una cità, te pol veder osei o piante. Vardar con atension la creassion de Geovà ne giuta a gaver manco ansietà, a no consentrarse tanto sora i nostri problemi e a far pi granda la nostra fede nela capassità de Geovà de tender de noantri par la eternità. (Mateo 6:25-32) Se te ghè fioi, giùtali a veder le bele qualità de Geovà. Quanto de pi ghe demo valor ala creassion intorno de noantri, tanto de pi saremo amighi del Creador. — Salmo 8:3, 4.

VARDA EL VÌDEO LE COSE MARAVEIOSE DELA CREASSION LE MOSTRA LA GLORIA DE DIO — LUCE E COLORI E DOPO RISPONDI A QUESTE DOMANDE:

• Parché che semo boni de veder i colori?

• Parché che qualche color el càmbia se te lo vardi de una banda o nantra?

• Parché che durante el giorno i colori del cielo i pol cambiar?

• Quai bei colori védito ndove che te stè?

• Parché che ghemo de ciaparse tempo par vardar con atension la naturesa?